零售業的服務----之2 店員工課的自動化＠Tong-îng 的台語時間

2023-07-29 10:31:57| 人氣6| 回應0 | 上一篇 | 下一篇

現此時咱零售業的店員，真濟是確認商品佮收錢為主，就是做收銀員的工課。收銀員當然嘛會當做做人客的服務。

猶毋過，錢項的代誌是一定愛正確，袂當有失覺察（sit-kak-tshat）。猶捌聽人講：有的商店規定收銀員的錢項若是有毋著，就愛收銀員家己來賠的。就按呢，收銀員的精神是規个攏總囥佇收錢這項，哪會有心思佮時間來做人客的服務leh？

咱台灣零售業服務水準欲提升，第一要緊的是共「收錢自動化」。其中有一个方法就是「人客家己結數」(Self-checkout)。閣對現此時遮的收銀員，重新訓練做待客服務的技巧，去做人客的服務。

咱的媒體捌報導講親像這款的「人客家己結數 (Self-checkout) 」機器的自動化，會予遮个人無頭路，失業者會增加。這是無實在無負責任的報導。

自動化的機器是代替「人來做無價值」的工課。而且台灣人口是年年佇咧減少，人工不足是會請無人通做。

這幾個月有看著日本的超商（7-11，全家等），西友超市，大創等等攏有予人客佇機器結數納錢。我佇「三省堂」冊店買冊是家己結數納錢，包冊皮嘛家己來。餐廳譬如Gala是人客佇機器結數納錢。而且是現金，信用卡，啥物Pay攏總會使得用。

佇台灣嘛有店頭開始咧用矣。家樂福，梁社漢，大潤發等開始有設「人客家己結數」的機器。

捌佇台中Lalaport的「大創」店看著「人客家己結數」的機器，毋過袂當用現金，干焦會當用信用卡佮啥物Pay。按呢對一部份人是無方便。

梁社漢是人客家己佇「人客家己結數」的機器點餐納錢，店員就專心攢餐點佮對待人客。

頂一工去台中的一間，干焦一个人是廚子（tôo-tsí）兼店員的Ramen(拉麵)店。是佮梁社漢仝款，人客家己佇「人客家己結數」的機器納錢。一間店一个人就會當矣。

而且，「人客家己結數」的機器的公司（系統製造的公司）嘛會當增加「代替商店結數共錢項存入銀行口座」的服務。那是按呢，遮的商店上困擾的「算錢」的工課就會當消敨，專心做人客的服務，佮看袂按怎增加生理！

收錢的自動化親像「人客家己結數」(Self-checkout)等等的技術已經有矣。期待台灣早日普及。

（230725Tong-îng）

台中破捨離Ramen店的「人客家己點餐結數」機可能是旋轉門、停車計時器和文字的圖像

我要檢舉

台長： Tong-îng Lîm

人氣(6) | 回應(0)| 推薦 (0)| 收藏 (0)| 轉寄
全站分類: 財經企管(投資、理財、保險、經濟、企管、人資)

回應(0)

Tong-îng 的台語時間 0愛的鼓勵 0訂閱站台