這條蜘蛛的絲是我的喔！＠Tong-îng 的台語時間

2023-11-26 15:39:44| 人氣1| 回應0 | 上一篇 | 下一篇

「喂！喂！恁遮的罪人。這條蜘蛛的絲是我的喔！

恁是啥人允準恁peh的？落去！落去！」

這句話是芥川短篇小說的名著「蜘蛛的絲」內底的一句話。大賊

頭Khàn-tà-thà佇蜘蛛絲頂懸----這條蜘蛛絲是佛祖欲共伊對地獄救

出來賜予伊的-----伊看著蜘蛛絲的下跤，有濟濟的罪人挨挨陣陣佇

咧peh起裡蜘蛛絲的時，對罪人講的話。

這句話翻譯的時，就揣合用的氣口翻出來。朗讀的時用適當的氣

口，就會足有感覺的。

會記得細漢的時，佮幾个同伴去ga̋ng偷挽菝仔（pa̍t-á），予菝

仔園主人看著，主人是那逐那罵。當然阮就隨拚咧浪（piànn-leh-

lōng）。會記得本來是毋敢跳過去的一米外闊的溝仔，彼个時陣，

規陣囡仔攏是一下手就跳過去。

阮的後壁「喂！喂！恁遮的猴死囡仔。這菝仔是我的喔！恁是啥

人允準來挽的？」的罵聲是一直喝無停！

菝仔園主人罵的氣口佮這个場合是小可仔有合，我就共提來用。

「翻譯的時會拄著濟濟的對話，翻譯就根據講話的人的身份，講

的對象，場面等等，來揣出適合的用詞佮氣口。」

這敢毋是誠趣味，閣誠有挑戰咧？

（原文是：こら、罪人ども。この蜘蛛の糸は己のものだぞ。

お前たちは一体誰に尋いて、のぼって来た。下りろ。下りろ。）

翻譯真趣味05 231107Tongîng

我要檢舉

台長： Tong-îng Lîm

人氣(1) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫)

回應(0)

Tong-îng 的台語時間 0愛的鼓勵 0訂閱站台