24h購物| | PChome| 登入
2008-06-19 01:06:02| 人氣116| 回應1 | 上一篇 | 下一篇

五千蚊的真義

推薦 0 收藏 0 轉貼0 訂閱站台

原載於〔澳門勞動報〕第三十五期　18.06.2008

邵老闆：老友記，改左地址未？唔改收唔到呀公張票架喎！
豬探員：我唔洗改，直接入戶口。
邵老闆：係喎，唔記得你係官差添！
老闆娘：寄票又好，入戶口又好啦，最緊要係有錢收！我預左架啦，日本五天豪華團、姑時手袋、花花纖體計劃… …
豬探員：嘩！你咁搞法，五萬都唔夠埋單啦！
邵老闆：我就精啦，咩錢都唔洗住，等出左票先去燊哥度博一博，話唔定五千變五萬，五萬變五十萬，到時就和味囉！
豬探員：到時你博完打俾我，我車你返屋企。
邵老闆：哈哈！你幫我護駕定係幫果五十萬護駕先？
豬探員：護駕？我驚你連兩個半巴士錢都輸埋，好心去車你返屋企喳喎！
老闆娘：乜你咁黑心咒我老公呀！
豬探員：唔係咒佢，係提點下佢。你地諗真下果五千蚊嘅意義啦！
老闆娘：你都多鬼餘架，洗鬼要你果五千蚊抗通脤呀！你睇下啦，自從宣佈左五千蚊計劃之後，旅行社、百貨公司、酒樓，日日都旺過旺旺，你認為全澳門嘅人都真係咁等錢洗咩？計我話，呀公派錢只係想谷靚個數字！
豬探員：咩數字咁緊要呀？
老闆娘：之前公佈左個乜鬼GPD，吹到澳門天上有地下無，跟住果班報紙佬、　學者即時出黎話唔真實反映現況，話澳門根本無消費力，老外商家都唔敢進場，只係一味靠傾斜大檔先有今日嘅風光，搞到呀公面都紅晒，事關尼張成績表唔見得人，中央會俾壓力，買通左九華的老外更加唔會放過佢，所以先諗出派錢大攞移招尼，藉我哋市民對手向市場噴水，公家錢變私家錢，廿六億谷市睇下仲有無人敢話澳門人無消費力！
豬探員：乜你咁陰謀論架！
邵老闆：尼啲唔係陰謀論，而係挑通眼眉！如果班官真係咁正派，又唔見佢地開聲叫我地將果五千蚊捐去振災！
老闆娘：我地而家乖乖地洗錢，谷消費，就算洗大左，咪講下貧富懸殊，搬下堅尼系數，咁第日咪又派過囉！反正羊毛出自身羊身上，尼啲錢係我哋應得架！
豬探員：對住你哋真係擰晒頭… …
邵老闆：咁得閒擰頭，不如諗下有咩絕世好橋，大拿拿廿六億係個市度，俾你撈到一成都發死呀！

我要檢舉
台長： 澳門勞動報

您可能對以下文章有興趣

人氣(116) | 回應(1)| 推薦 (0)| 收藏 (0)| 轉寄
全站分類: 不分類 | 個人分類: 下午茶時光 |
此分類上一篇:發夢司亂掟定心丸

我要回應
小平
澳門特區政府是澳門人自己的政府，是人民的政府，是肯承擔負責任的政府。
2008-06-23 10:25:15
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文