24h購物| | PChome| 登入
2008-06-04 18:08:29| 人氣106| 回應0 | 上一篇 | 下一篇

發夢司亂掟定心丸

推薦 0 收藏 0 轉貼0 訂閱站台

原載於〔澳門勞動報〕第三十三期　04.06.2008
　　　　
豬探員：豬豬老婆，我想轉工呀… …我覺得份工好大心理壓力… …
豬師奶：咩事令豬豬老公你咁唔開心呀？有人工加你都唔做？
豬探員：而家大會堂班議員分分鐘被人取消言論同表訣豁免權喎，容
　　　　乜易第日我哋班差仔連渣槍權都無埋，咁真係分分鐘用條命
　　　　黎搏喎！
豬師奶：無咁誇張掛！我見你哋都係行行企企，食飯兩味… …未至於
　　　　咁嚴重呀麻～
豬探員：咩呀，尼啲嘢好個人，好似大會堂班議員咁，有啲成年都唔
　　　　見佢發表偉論，有啲就日日開炮轟呀公，好似唔嬲議員果啲
　　　　咪要驚囉！
豬師奶：咁又係，唔嬲兩個成日講句嘢都俾人表，第日真係無左豁免
　　　　權，佢哋係大會堂講嘅嘢容咩易被人法律追究呀！告唔入都
　　　　一身蟻啦！
豬探員：咪係，尼個世界好多人鐘意玩法律遊戲，用官司黎耗人精
　　　　力、耗人錢財架，我當差咁多年都見慣啦！
豬師奶：不過講到話鐘意玩法律遊戲，就當然要數發夢司囉！
豬探員：老婆大人有咩高見？
豬師奶：發夢司前幾日係大會堂度語出驚人，以「放心言論」表態，
　　　　講到明新選舉法案無建議追溯期，叫各位議員可以放心咁
　　　　話，講到佢自己好體諒班議員要靠賄選先有今時今日，怕有
　　　　新法案會令大家發惡夢，特登唔加入追溯期，大派定心丸，
　　　　咁仲唔係當法律係遊戲咩？！
豬探員：哇！乜佢仲意加就加，唔加就唔加，大晒咩！
豬師奶：無他，人地高貴大頭敏，堂堂發夢司，有啲嘢佢梗會諗到自
　　　　己識做，人地識做～不過嘈主席唔領情，串返佢轉頭啫！
豬探員：抵死！不過話時話，如果發夢司咁多定心丸就唔該派啲俾我　　　　　呀頭啦！
豬師奶：佢又要？！
豬探員：你都未知呀，嬲議員之前話佢將立法會講成垃圾會，佢即刻　　　　　劣晒。
豬師奶：哦～佢澄清左啦，話果次喉嚨痛影響發音呀麻，但今次佢講　　　　嘢咬字清楚，字字鏗鏘，我諗佢唔洗食藥囉！

我要檢舉
台長： 澳門勞動報

您可能對以下文章有興趣

人氣(106) | 回應(0)| 推薦 (0)| 收藏 (0)| 轉寄
全站分類: 不分類 | 個人分類: 下午茶時光 |
此分類下一篇:五千蚊的真義
此分類上一篇:五千蚊的吸引力

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文