24h購物| | PChome| 登入
2009-02-10 19:13:10| 人氣293| 回應0 | 上一篇 | 下一篇

０７／０２　ｄａｙ３/ 慕尼黑＠德國

推薦 0 收藏 0 轉貼0 訂閱站台


今日又俾佢地晨早流流嘈醒，唔知佢地真係唔駛訓架咩！！真係痴線，岩岩６點咋大佬！我半夜仲痾左２次呀！！仲話我做咩唔起身！咁早起身做咩先得架．．．
 
７點鐘佢地攪掂哂我先捨得起身，之後佢地都成７點９先落去食早餐，其實都明佢地咁早起身，因為佢地都係咪麼．．．都唔知有咩攪．．．
 
初時諗住拎部ｎｂ落去一路食早餐，一路上網啦！點知我部機上唔到，後黎我梗係放棄啦！最攪笑係我唔記得今日係星期六！仲話係ｍｓｎ搵ｔｅｒｒｙ，最初係ｋａｒｅｎ話ｔｅｒｒｙ應該係ｍｓｎ，叫我自己搵！後黎佢睇到佢ｏｆｆ左，仲問我咩時間，我答佢兩點幾喎應該係公司架，之後佢話收工喇嘛！我問佢點解．．．死未！ｘｄ
 
終於到９點鐘出發去ｔｏｗｎ喇　～～　今日既行程就係ｓｈｏｐｐｉｎｇ　ｏｎｌｙ！
原來由我地住既郊區去市區都要個幾鐘，老闆叫ｋａｒｅｎ坐前面同司機講下去邊！我呢ｄ咁冇野做既就梗係訓啦！老闆又話我咁都唔夠訓！！大佬我唔係訓左好多咋！仲要有時差，又俾你地一家嘈醒．．．
 
去到市區我樣樣都好新鮮，成條街既建築物都好古老，好吸引！當然我淨係影景啦！佢地要ｓｈｏｐｐｉｎｇ呀嘛！去到我真係好想影我個人既時候！我梗有出聲既　～～　ｋａｒｅｎ亦好樂意幫我！呵　～～
 
老闆今日最浪費時間，明明係ＬＶ睇中左野（其實小麥又黎料啦，佢真係煩到嘔，不停問依家幾點，幾時番酒店）之後去埋ＤＩＯＲ／ＴＯＤ’Ｓ／ＧＵＣＣＩ佢都唔岩，因為ｄ價錢仲貴過ｏｒ同ＬＶ個價錢差唔多！最攪笑係佢突然話驚個袋俾人買左冇，最後又行番去ＬＶ買左先！最後佢梗係豐收啦　～～　買左１個袋／２個銀包（最攪笑係原來佢話買個袋ＯＮＬＹ去飲．．．）

行到一間食腸既鋪，諗住買幾條腸同燒豬肉黎試下啦！點知佢每條腸幫我地配哂都麵包，真係大鑊！當然最後梗係有麵包剩底啦！！
 
之後我地終於開始行街喇　～～　我地搵Ｄ　ＭＡＬＬ都搵左好耐！問佢地係咪，又話係．．．點知行到去都唔係ＭＡＬＬ黎！

嘩　～～　個廣場好靚呀！！仲好多人添！突然間見到好多警察！唔知係遊行定示威！反正影過相後就走啦．．．
 
我地終於搵到個ＭＡＬＬ黎行，諗住上到最頂行啦！點知老闆睇到有皮褸要買俾太子爺先，ＫＡＲＥＮ為免個仔又黎料，我地上左去玩具果層先！終於買左盒ＬＯＧＯ攪掂佢！之後就落番去搵老闆啦！佢叫我幫ＢＥＡＶＥＲ試褸，ＯＫ啦　～～　之後本身買佢地睇中果件，點知去俾錢果道，老闆話後幅有白點，唔要！之後又再選過！終於有個差唔多同ＢＥＡＶＥＲ身型既男ＳＡＬＥＳ幫忙試衫，佢推介左好幾款俾佢地！終於買成喇！買完之後我地仲去左睇鞋，老闆話我對鞋應該殘到番唔到香港，叫我係道買過對！初時睇ＢＯＯＴ既，都幾抵５００蚊對，點知冇我碼啦！去到我碼果區，ＫＡＲＥＮ突然拎左對毛毛ＣＯＮＶＥＲＳＥ俾我睇，好靚呀！！佢好堅持呢對鞋有特價，仲諗住幫我問，因為對鞋ＭＡＲＫ９百蚊，仲話應該３００蚊應該可以買，最後我梗係買唔成啦！公價黎架，退稅最多９折！鬼捨得用咁多錢買ＣＯＮＳ咩．．．
 
嘩！勁呀我地，行咁少地方都３點喇！（大概１０點鐘去到）老闆話有Ｄ水土不服，今日要食Ｄ中國類既野，最後唔知點解去食壽司，點知都係太多人，我地去左食另一間，全間都係日本人開既　～～　好Ｑ貴！普通一個烏冬ＳＥＴ都要１２０蚊（只係一碗一隻天婦羅蝦既烏冬＋６條青瓜卷），我就叫左個刺身光ＳＥＴ，得７件壽司都要１５０蚊！我地澎澎聲食埋野番ＧＵＣＣＩ買野，之後就去ＬＶ拎埋Ｄ野就去番落車點搵司機！回程等埋個香港客同事一齊番入郊區！
 
我地番到黎仲要開多個會，因為尋晚仲未開完！番黎放底Ｄ野我地又再出去喇　～～　好在今次都只係開左個個鐘左右！開完之後老闆同佢講今晚唔同佢地食飯喇　～～　因為尋日有Ｄ滯（其實佢跟本就係怕肥，哈哈哈！當然我都係啦！不過因為我諗我唔會再有機會黎，所以都想每樣野都試下，你估我方唔怕肥咩．．．）
 
最後就梗係番黎酒店啦！今晚我既晚餐係我帶黎既纖麥麵，加埋佢地尋日係超市買既煙三文！好豐富架都　～～
 
食完都真係好早，９點幾！佢地話訓喎，我就梗係沖涼同夫個ＭＡＳＫ啦　～～　到依家都未夠１１點呀大佬！不過睇黎我聽日都會俾佢地一早嘈醒，等陣都係早訓為妙啦．．．
 
ＰＳ：今日都幾開心架！原來我都幾似滿足！哈哈！
 
今日大概食既野有：
 
早餐：１隻半生熟蛋／１個麵包／１匙士多啤梨果醬／１片火退／２匙炒蛋
 
午餐：半隻熱狗／１片燒豬肉
 
下午茶：６件壽司／半碗牛肉飯
 
晚餐：１個纖麥麵／３片煙三文魚／４粒士多啤梨／半個蘋果

我要檢舉
台長： 夜貓貓
人氣(293) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 2009年德國之旅 |
此分類下一篇:０８／０２　ｄａｙ４/ 慕尼黑@德國
此分類上一篇:０６／０２　ｄａｙ２/ Rottach - 慕尼黑＠德國

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文