Ｎｉｇｈｔ　ＣａＴ　ｃＡｔ　之家 多謝大家留意我的一舉一動

89愛的鼓勵 0訂閱站台

等我做一個好大膽既行動先　～～　就係公報我既體重！！雖然真係好重，但係我係要面對架　！！　請大家支持我既減肥行動　！！　哈哈　！！我減肥為期１年，目標係減６０ＬＢＳ！！營養師叫我呢個星期盡量跟左佢個餐單先，因為要跟足先知道我會唔會瘦到！！其實都好緊張．．．會唔會瘦唔到．．．

體重：８７．８ｋｇ（痴肥）

身高：１６５ｃｍ　

雖然營養師咁話我，但係我冇放棄！我會努力架！（其實佢有本書仔話俾我地知有咩食得既　～～　總之代入去就ＯＫ架喇！食乜都要走油，雖然我有一份脂肪，不過要盡少囉！另外菜就一定全走架喇，即係連蠔油都唔可以有！但係豉油同埋天然整既醬料我係食得既．．．但係有油既醬就梗係唔得啦！！晚餐其實係正常架，總之見到Ｄ菜有油就唔好食，寧願食１２粒車厘茄代！仲有湯都飲得架，不過豬骨湯就盡量唔好飲啦！！原來豬骨都肥架！！真係估佢唔到．．．

先講下今個星期我既餐單先：

早餐：奶類１份，五殼類１份，肉類１份，脂肪１份

午餐：五殼類５份，肉類３份，脂肪１份，蔬菜１份

下午茶：水果２份，五殼類１份

晚餐：五殼類５份，肉類３份，脂肪１份，蔬菜１份

 

其實都真係飽到嘔，等我有講下我食左咩：

早餐：芝退治（芝士係奶類，麵包係五殼，火退係肉類）＋烏龍茶

午餐：一碗半白飯（五殼類５份）＋２匙凍烏頭／３細件雞胸（肉類２份）／１碟菜心全走（蔬菜１份）

下午茶：２個蘋果

晚餐：１碗白飯（五殼類４份）＋２匙凍烏頭／３片瘦肉／２粒豬肉丸（肉類３份）／１碟芥蘭（蔬菜１份）＋一碗豬肉丸豆付湯走料（其實都食左幾粒豆付）

因為晏晝果餐食果碗半飯太嚇人，我決家自己再減食．．．好飽呀大佬！！