24h購物| | PChome| 登入
2008-04-30 18:30:19| 人氣134| 回應0 | 上一篇 | 下一篇

錢未落袋　物價先加　白米天價　建倉儲糧

推薦 0 收藏 0 轉貼0 訂閱站台

　　　　　　　　　　　　　　　　　　　　萬口

原載於〔澳門勞動報〕第二十八期　30.04.2008

邵老闆：各位親愛嘅顧客！為慶祝特區大佬放水人人派5000，本茶餐廳從
　　　　下個月一號開始全線飲品、食品加價5成。
豬師奶：無聽錯呀麻！用加價黎慶祝？！
邵老闆：豬師奶，你無聽錯，我講真架！大家而家有錢左，當然係可以有條件食貴啲啦！
豬探員：喂喂喂！大佬放水主要係想緩解吓民困，對抗通脹，你加價咪即係趁火打劫、火上加油！咁大佬派多多錢都唔夠啦！
邵老闆：你當差咁多年，都唔知官姓咩！就係因為通脹我地先有錢分，如果啲嘢一路係咁貴落去咪長分長有囉！無人嫌錢腥嘅。
豬師奶：真係俾你激死啦！都唔知你尼啲係咩解讀！彈豬腸話明只派一次，又未過邋遢會，幾時派、點樣派都未知，一陣無得派都唔定架！
豬探員：算啦！加價我哋就擺食，返屋企煮飯仔二人世界。
豬師奶：講開煮飯，網上竟然有人拍賣泰國米，痴唔痴線呀！
豬探員：老婆，咪理佢地啦，呀公而家話係跨境工業區建糧倉，唔怕無米食。
邵老闆：你都Short Short地！建糧倉？！而家啲米咁貴先黎儲米，第日泰國米生產正常返，跌返價，邊果幫佢要尼批貴米呀？棧養谷牛！高價先黎入市，不如係跨境工業區闢塊田種米仲好過！
豬採員：搵你種呀！
邵老闆：老友記，你同我都唔識耕田，不過我哋可以係泰國請班技術性外勞返黎耕架麻，好似威記班船夫咁囉！
豬師奶：就算請班泰國農夫返黎，又係特區種到米，果啲都唔係泰國米啦！
邵老闆：超！咁威記又真係歐洲水鄉咩！佢哋班粉腸咪又當真咁sell俾祖國同胞同港燦！你情我願，俾啲想像力啦，唔通老婆餅真係用老婆整架咩！

我要檢舉
台長： 澳門勞動報

您可能對以下文章有興趣

人氣(134) | 回應(0)| 推薦 (0)| 收藏 (0)| 轉寄
全站分類: 不分類 | 個人分類: 下午茶時光 |
此分類下一篇:大富官遊戲
此分類上一篇:聖火未到　福娃先倒

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文