今日係四日假期中ge第三日，由於實在太悶啦，所以決定做ｄ悶悶地ge事，結果就去左遊巴士河啦。本來諗住坐６號仔遊澳門，但係由於日日番工唔係坐６號就係１６號，所以我就放棄左６號啦。結果搭左ｄ比較冷門ge巴士線。
巴士話哂都係現代社會生活ge重要交通工具，如果要睇社會百態，當然就要係最細ge空間，見到最多ge人，得到最多澳門社會人ge互動實況，細微至等車也是一種逗趣之事。就係尋日，就係巴士上邊遇到一件趣事啦。
尋日，我先係紅街市坐８號巴士出去水坑尾喎，循例咁去下文采書局，漫遊下白馬行咁啦。跟住就坐９號去下環街市買海鮮番屋企，再坐１６號巴士番屋企。係１６號巴士上邊，係西灣街（西灣安記，不過裝修緊！）果個站，有一個女仔上車，咁我遊巴士河，ｄ人上車落車就好自然會望下架啦，咁我望左望個女仔，由於成架車得番我隔離一個位，咁我就讓開左比佢坐低啦。個女仔一坐低，就用ｄ好奇怪ge語氣講左句：「你做乜用ｄ咁ge眼神望我呀？」面對呢個情況，我實在無言以對，我唯有用無辜ge雙眼望左佢大約秒幾，一句說話都無講過，繼續我ge觀察行動。我實在唔明我對眼有咩問題，我又無ｄ咩特別ge意思，點解會比人咁個唔識ge人咁問我呢？
近來都唱幾多ｋ，個銀包當然就瘦得自在啦，早個禮拜，財務先生生日，條友仔班fd就約埋去唱ｋ，我見咁開心，就攞埋係台灣空運番黎ge約翰走路黑牌（我都唔記得係邊個送比我ga啦）去賀一賀佢啦，開頭以為得我地八個男仔，原來其中有一位仁兄ge女朋友叫左一大班女仔黎，果種感覺，唔知仲以為我去左夜總會，個個都排排坐咁，我生平第一次去唱ｋ係有咁多女仔ga ja，雖然最後係一個女仔都識唔到，但係都好感謝財務公司先生。係果晚，我對於兩性關係ge睇法又深左一層，明白咩係男人，明白咩係得女仔歡心ge男人，至於事件同體會係乜野，就唔多講啦，講左大家談起戀愛ge時候就唔過癮。但係當晚就證明左一個人ge人格，唔好怪我愛恨太過分明，雖然我係唔小心整到佢受傷ge地方，但係我唔覺得有歉意，我為我自己無歉意而道歉。
之前有一位msn fd問我，我認為呢個問題，我絕對需要大家ge幫忙先可以解決。佢問到吳雨霏（kary）第一隻個人大碟＜with a boy like you＞入邊有一首歌叫做＜愛你變成恨你＞，歌詞入邊有一句係「我憎你不停來為我添加大量情敵 將 咸甜回憶 記恨你才能令愛著你也沒價值」，佢問我，咩係「咸甜回憶」。雖然我讀書讀得唔好，但係自問都可以解釋到咩叫「辛酸」、「苦澀」、「甜蜜」等等ge回憶。懊惱ge佢見到我比佢更加懊惱，都相信我解答唔到佢。咁佢就嘗試同我一齊研究下呢四個字啦，佢問應該將鹹同甜分開黎解，定係合埋黎解。我地就用排除法，認為合埋黎解係無解，但係如果分開黎解，「甜」果方面都明白到，咁但係「鹹」果方面係咩呢？我地作出左好多分析，都無辦法明白，在此，希望得到當中真義ge朋友們為懊惱ge我們作出解釋。
近來有好多念頭湧現，但係發覺自己根本就無時間寫下文章，所以草草地寫住呢篇，為免因為太耐唔寫文而比人封台。
文章定位：
