mILK THING UNION I trust everyone But I dont trust the evil inside

156愛的鼓勵 0訂閱站台

今日 為左求証一件事
再一次打開左本同學錄
本來諗住搵到答案就算
點知 愈睇就愈唔捨得停



而家 忽然有一種心血來潮想寫野
一睇 就睇左成兩個鐘
第一次咁認真睇呢本野
甚至 我會一字一字咁睇細鐘篇文
睇到D相 諗番好多野
原來 ?過去幾年
大家都一齊經歷左好多好多事
試過為一件事開心
為一個人而憤怒
仲有好多好多
我諗 每一個人打開本同學錄
睇到自己班戈版 一定會前前後後 重重覆覆咁睇多幾次



從高一合力對抗光明 旅行
到高二既BM 攤位 望班CAMP 仲有我自己既日本之旅同香港之旅
仲有高三既女皇 八爪球地球 GRAD TRIP 最後一日番學 同埋 一齊看住天空黑與光 真正最後一次去成班人去CAMP 一齊玩水俾阿姨鬧 一齊講鬼故



無錯 我對狗霖朱波GAP陳既時間 仲多過我對住我屋企人時間
每人有8小時訓覺 有8小時番學 2小時食飯 1小時屙屎沖涼其他野
我能夠同我老豆老母一齊既時間真係得幾個鐘
甚至 我連我最後?澳門戈日 我同去左接GAP陳 通宵同BELL去左老地方傾心事



當我睇到每一版 我都會停幾分鐘
睇到望班同學仲紹 一路睇 一路笑
由GAP陳單挑女皇 到周周係望班性奴隸
由MOMO個源唔開 到飛機射波?無飛機
由朱波既傻仔朱俊波 到山屎既方力山
由阿川同朱西既超低音笑聲 到黑狗呢個非洲猶長
由M豪個XX同XY染色體 到狗霖既材子
由RIO呢條盲毛 到子健自認靚仔
由大佬既溝死女 到IDA 既御用醫師
由LJ既脂肪 到阿婉既爆笑
呢D一切一切 都係我地對你地既形像
當然 到而家我都覺得我個日俾GAP陳影到我好似側田

第二頁
有我地過去三年活動既相
那兩句 寫得很好
疾走的光陰
抹不掉歡欣
我番書仔中文學得少 的而且確唔可以寫出咁好既文章 我只係諗到咩就寫乜
但我想講
當我睇番D相 我發覺自己已經開始有D野唔記得左
我差D唔記得我地高二去過竹灣
仲喺個度偷渡 30幾人逼24個床位
阿亮踢拖飛落沙灘就係為左杯海水
夜晚晚飛機周周DEEP 喺度玩過三關
成班人一齊坐地下玩KILLER
但 有好多野我已經唔記得左
對 高一的記憶 開始糢糊
只剩下
一齊唔交功課試光明
一齊生物當劏青蛙
一齊拒絶光明
其他的 己經亂了

高二
對我來說
這一年的確很有意義
也是最特別既一年
因為
呢一年發生左好多事
喺童軍
首先有機會代表澳門去日本交流 見識唔少
然後第一旅既香港之旅可以做到副領隊
喺學校
有 第一次做攤位就攞左第二名
有 第一次上數學堂訓覺訓得咁勁
有 第一次測數可以出貓出到咁HIGH 咁好玩
有 第一次坐最後最角落戈個位
有 第一次攪班camp成班一齊玩
還有做那18版的生物測驗卷
那份得5題物理
做極都仲有既化學
聖經堂集體講大話
電腦堂既豆肥
中文堂既三哥
訓到唔訓既英文堂
最後一年既盲翁
真係好開心
當然 還有很多很多的記憶
高二的記憶雖然比高一的清晰 但己經開始有一點亂
有一些 己經不知放了左那

高三
應該係最清晰既一年
由九月開學到十一月這段時間過得很快
閃眼間就到年尾
年尾個攤位 我放左好多好多心機落去
我亦知有好多人對我有好大期望
那個八爪救地球
花了很多心血 不只我的心血
還有望班各位有份參與的同學
我就係唔明點解頒獎戈日 我無得講下得獎感受
我仲記得 當日頒獎時
當佢一講到冠軍係高三望時 我無好沖動 因為 呢個獎 唔係我一個人 而係 高三望既
我戈日仲坐左喺度唔識起身 要朱波叫我先有反應 因為 我喺度諗 如果 個獎唔係三望攞 會有幾多人失望呢 haha
戈時 我起左身 望左一望細鐘 當然我個樣係好串啦 鬼叫你當初唔俾我做呀
對 我們輸了壁報 攤位一定要嬴 我唔知其他人係咪咁諗 但起碼我係
因為 我要俾其他人知道 A班唔係精英班 B班唔係垃圾班
我仲記得 生物婆話過我地望班同隔離信班差好遠
亦都有好多老師成日將我地同佢地比
所以 我要証明一樣野 成績好 唔代表佢叻 只不過係佢背書識過我咁解
我唔相信第日佢既成就一定會喺我之上 你班老師唔好狗眼看人低
我地 都有我地自己既目標 自己既理想
畢業旅行先不說 因為 這個畢業旅行 幾乎毀了我清喻
接下來07年各大學既入學試
大家都為自己既未來而努
好快就到左最後一日番學
那日 就係我地最後一日喺培正上堂
在堂上每做一件事 每聽一句話 每抄一頁筆記
都可能成為最後的一次
大家都好放 影左好多大家平時唔會影 應該係唔夠膽影既相
擺左好多攪笑pose
有阿 him同大少夾住條水喉扮屙尿
有阿婉同阿him扮超人
朱波阿亮飛機大少him山屎gap陳扮傻仔
有望班八朵金花扮Y環
仲有我地喺課室最後一次叫小熊貓下午茶
喺A座門口玩GTA跳 攪到阿HIM同山屎爆左軚
仲有好多好多
至於我覺得成年高三最有成就感既事
除左攞左攤位冠軍 順利畢業 考到澳大同成大外
就係攪左個望班CAMP
如無意外 我相信呢個會係最後一次
可以咁多人一齊玩既班CAMP
所有的事都係我地一手一腳攪
喺呢度我真係要多謝朱波同HIM肯幫手攪
因為我相信 其實佢地同我都一樣
都係想做參加者 多過想做攪手
HAHA 仲有戈個著住條底褲楂寶馬既朱健恆
呢個CAMP 大家都玩得好開心
夜晚又驚又要講鬼故
朝早訓到唔願走
跟住出左CAMP仲一齊去食飯
然後去踩單車
係喎 戈日原來我成56個鐘無訓過 簡直挑戰人類極限係咁玩
去到呢度 應該可以為我既培正生涯真真正正畫上句號
接下來 就是一切都是新的一章

PS
高三畢業旅行 出奇地忽然同一個人變到好鬼熟 戈個就係外界盛傳既LJ
如果要講真係識佢 我諗應該由高二尾時 俾BM調左我坐佢隔離開始
我仲記得有一日心情唔好 佢無啦啦攪我D野 我喝左佢一聲 嚇到佢成堂數學堂唔敢出聲 之後都同佢幾FD
至於畢業旅行點解無啦啦 俾兩條友出賣左我同某個人同房 攪到我第二日就開始病左 頭又痛 咳到飛起 呀 件事就係由上長城戈日開始
戈日去長城前去聽寶樹堂我已經俾阿御醫D藥催藥左一半
去到長堿時 我已經四肢無力 心諗 挑 長城我都上過啦 不如唔好上囉
但見到後面34人都興奮咁 死就死啦 上啦 一落車 D風已經大到福佳
連企都企唔到 跟住D人開始整人鏈 四個一排咁上山 喺我打算搵朱波狗霖GAP陳取暖之際 無啦啦有條友拖住左我 原來係LJ 佢同IDA JUST一人一面咁夾左我上山 上長城 其實 戈時我已經暈得一陣陣 俾人帶左去邊都唔知
只係記得上過好多樓梯 跟住見到阿DEEP戴住頂共帽耍功夫 仲有 仲有 周周狗霖佢地個咩PLAN B 跟住 我乜都唔記得
就係由戈日起 我就開始同LJ出雙入對 仲做左D挑戰細鐘既行為 HAHA
咁戈六日就係玩下顛下食下訓下咁過左 由於今次唔係講旅行 如果想知就搵番以前我有無寫過GRAD TRIP 個篇BLOG
我想講番 跟住有好多人想知 點解我同LJ 會無啦啦熟左咁多
就係由戈日開始 我地唔知點解成日一齊細聲講 大聲笑 但知做乜咁好傾
之於我地講D咩 唔方便向公眾透露 就由戈日起 就同佢好鬼熟 本來都好地地
直都係好FRD咁 9月尾時仲同佢過香港 但過左兩個星期前 我竟然聽到
原來有班人 竟然由07年1月開始懷疑我同LJ有野 當我聽到 就係一頭汗水 仲俾佢地拖左去審 最PK既竟然連狗霖都唔清楚我同LJ既關係 唉 原來 大家都俾我呃左一年 哈哈 她並不是我杯茶 所以我聲明 30年後係我回收佢 唔係要佢 我仲係單身嫁
但到目前我打呢篇野既同時 仍然仲有一班人係唔信我地無野
LJ 唔該你快D搵番個叉燒包小龍包蓮容包填鴨燒鵝春雞啦
唔係我就大LUN獲