mILK THING UNION I trust everyone But I dont trust the evil inside

156愛的鼓勵 0訂閱站台

二零零八年一月二十日 晴

琴晚同娟傾計傾到成三點，之後番左屋企繼續執野，執到成四點幾，跟住睇埋左本ＯＰＴＩＯＮ先訓，老豆又唔知第幾次買錯左本台灣版。
朝早九點就醒左，但一直都唔肯起身，因為一起左身就要十一個月後先有得再訓，但唔起唔起，最後都係要起，一早都媽咪計數一年洗幾多，一百萬多少少，俾我預計少左成廿萬，咁都好點。但點知……
十一點半全家人一齊食飯，補番琴晚無食，去左乾坤閣食，呢次係食得最好味既一次，相信第日去邊食都食唔番咁好味。食飯時仲喺好輕鬆，無半點憂愁，就好似平時咁，食完飯，買埋Ｄ野，老豆就同阿燦渣左部6990車行李，我就渣部ＦＩＴ去碼碩，最後一次，無帶車牌媽咪都照俾我渣，哈哈，阿婆無驚都賴尿，咁都好Ｄ，哈哈。
一點三十分，去到碼頭，做ＣＨＥＣＫ　ＩＮ，點知佢話我超重，要喺戈面ＣＨＥＣＫ　ＩＮ，仲要罰錢，唉，預左啦。
一點四十分，見到第一班黎送我既人，就係ＬＪ，ＩＤＡ同ＪＵＳＴ，跟住仲有阿娟，阿丸，阿花，馬騮，朱波，小鄺同埋Ｍ豪，竟然佢地真係攞左個藍梅芝士生日旦糕俾我呀，戈一下真係好感動，有流淚既衝動，我諗真係無人會喺碼頭慶祝生日，我應該係第一個。跟住食下餅，影下相咁，我已經唔敢再同屋企人講野，特別係阿婆，因為我驚我真係頂唔住，同埋佢地都頂唔住，因為，我係應承左一個人唔會再喊，沖沖的去入閘，不想再留下半點依依不捨的感覺，長痛倒不如短痛。其實我真係好想凸番個頭出黎睇下你地有幾多人依然會企喺度等我凸番個頭出黎，但點知我已經俾船公司Ｄ人拉左去移民局，無機會再見多面，唯有零八年十二月見囉，去到閘口，仲未上得船，打左電話俾幾多人，戈時先知原來佢地真係成班等緊我凸個頭出去，可惜，可惜，最過份係ＧＡＰ陳同狗霖竟黎趕唔切。戈份生日禮物，收到之後我都唔知應該笑定喊好，咁鬼大份，點拎呀，上到船一睇，嘩，震撼，成版都係佢地簽哂名寫哂祝福咁，狗霖最威，第日渣波子第一個車我，緊住真係愈睇愈想喊，個個都係祝我咩第三期發育呀，快高長大呀，朱波仲衰，小心渣車都寫得出，仲ＭＯＮＥＹ竟然撩我去鬥車，咁都啱俾，俾一年你，等我番黎再同你飛，睇埋左版，ＳＨＩＴ，隻眼真係喊左，戈條咁既ＬＪ，第一之寫番Ｄ人野，睇到我眼濕濕，之後就好小心咁將佢放入ＮＯＴＥＢＯＯＫ個袋度，然後睇ＬＪ送俾我份禮物，嘩，嘩，嘩，好好好好好…….唔知講咩好，再睇埋個盒Ｄ字，再睇埋入面封表白情書，頂，真係頂唔住，唉，好彩身邊Ｄ大陸佬訓哂，唔係以為我做乜呀。好感動呀，呢次應該係第一次會流得咁突然，ＬＪ，我應承你，你三十歲無人要，我收養你，我仲應承你零九年再見你一定同你去香港再帶出城入旺角食咸水角。
去到機場，一個人拎兩喼行李，真係好麻煩，好似表演咁，班大陸個個都睇到金睛火眼咁。一去ＣＨＥＣＫ　ＩＮ，佢話我其中一個ＯＶＥＲ３２ＫＧ，要執下佢ＢＡＬＡＮＣＥ番，如果唔係澳洲戈面有權唔同我拎行李，頂，咪執囉，一攪就攪左成半個鐘，四點十個字先攪好哂Ｄ野然後再入機場。去到機場仲有成三個鐘先上機，周圍行下，行哂成個機場，去左閘口用電腦ＷＩＦＩ免費上網，同細佬突然傾左好多野，第一之見佢會咁成熟同我講野，戈一下真係懷疑佢個ＭＳＮ係咪俾人盜左用左，阿花其實好想喊又死忍，玩到六點五十分上機，點知有條友遲到，班機ＤＥＬＡＹ左成半個鐘，但我已經好攰無理，佢一郁我就訓左，再打番開眼隻機已經喺維港上空。緊住訓下食下醒下咁，最後個一個鐘係最難頂，個人唔夠訓已經ＭＵＤ，緊住又想訓但又光盞盞訓唔到，真係想跳機。
落左機好快就過左移民局，但等攞行李已經等左成個鐘，跟住排隊出去做Ｘ　ＲＡＹ又等左九個字，真係人都顛。出閘後搵到ＲＭＩＴ接機戈個人，坐佢架私人坐駕去左宿舍，ＯＫ呀，外觀幾好呀，唔錯呀，幾ＣＹＢＥＲ，攪完哂Ｄ野後，要用條Ｅ－ＫＥＹ按電梯，如果唔係部電梯唔識郁嫁，上到去一仆一碌咁放低哂Ｄ行李，用左兩個半小時執左一半，跟住攞住張地圖好似流浪咁出左去，行下行下又俾我行到唐人街，好多港澳人，間間餐廳都請廣東話人做ＷＡＩＴＥＲ，去到完全唔洗講英文咁濟，淨係去到有間專賣ＴＶＢ同香港ＶＣＤ既鋪頭，個香港老闆娘串串地咁咪用英文回敬你囉，跟住周圍行，番左去樓下買左兩個廁紙，一支洗頭水用左１０蚊，係澳洲紙，一舊廁紙７蚊港紙，抺完屎忽會滑Ｄ既，支洗頭水成五十蚊港紙，洗完個頭會光Ｄ既，真係肉都赤埋，劉始潔講得啱，出到去就千祈唔好將樣樣野都計哂港紙去計，如果唔係你真係乜都唔洗買，五十六蚊一碗面你食唔食呀，無得揀，你一定要食，喺呢一刻，我真係發覺澳門既生活真係好好，澳門人其實真係好幸福。
三點三芳芳黎帶我出去買野，終於叫做暫時性買齊野，已經左用左半錢，得番二百零蚊，都唔知呢個星期點過，唯有出去Ｄ去食，自己煮囉，呢Ｄ咪叫做應變能力囉，媽咪，你講得啱，在家千日好，出外半天難，但出面樣樣都係８蚊ＡＵＳ一個，點食呀，唉。
今日打左個電話俾阿婆，終於都頂唔住，不家都喊左，唉，你係咪衰呢，周有農，係度要攪喊人。
澳洲成９點先日落，日照咁長，真係曬屎人囉。
聽日都唔知做咩好，行街市。