南之私心事 很久沒有打日記了,各位賞面不妨看看呢!

38愛的鼓勵 0訂閱站台

尋晚訓得不太好，好正常的吧......

加上凌晨的whatsapp響起.........-_-

 

今日九點就醒左....好攰....但訓唔返.....

倒不如早少少出街.....繼續搵雯雯的禮物

 

由佐敦開始.....一路搵一路巡檔......

見到有時老細份報紙銷量好d....有時見到我果份好d.......

個個地方都唔同，有時仲同報販傾下計，

了解多d個market.....口水都乾.........

 

但我眼中，無論係老細果份定其他報紙，

都係我競爭對手，一定要繼續努力

 

落到旺角...重遊舊地.....卓悅已經唔見左.......

去左朗豪坊行........真係好耐無去

有間log on喎~~~以前有就好啦.......

 

之後去左好多地方搵雯雯既禮物

雖然靜雯同我一齊搵，但我覺得...

我親手搵到既話，意義會大d，所以唔想放棄

 

去左好多舖頭都無，但最後........

我去到一間細細既舖頭，跪喺地下搵左好耐

最後終於比我搵到啦！哈哈哈哈

當時四圍無人，我靜靜地搵，

我一見到第一下由心講左一句︰

「搵到喇終於！！」  <----好細聲.......

當時開心到極點.....拎出去比錢，老板娘話︰

「係得呢個咋，你肯跪喺度搵咁耐，一定對你好重要！」

其實呢樣野.....唔係金銀財帛，更加唔係一d好貴重既野，

只係一d好簡單既野，

但足以令我搵晒全港...（離島除外...）

打電話.....whatsapp問d舖頭都試過...

通通話無....所以今次親手搵到...好開心

「皇天不負有心人！哈哈」

之後搵完呢樣野，一路向西，因為我仲有一樣野要搵，

都係比雯雯既禮物

一直行到去西九龍中心，熱死了

去到......行左好耐.......

比我搵到埋呀..........哈哈哈哈

老板娘話︰今日先有貨咋~~有d運仔喎

 

哈哈，今日超順利.......

其實我仲訂左樣野，仲未到手，連埋幾樣禮物，

搵個盒一次過比佢.....

希望佢收到呢一樣我最後送比佢既禮物，

會好開心咁笑出黎...已經好滿足了

------------------------------------

題外話︰今日上MK jusco十蚊店想搵個大盒....

裝起晒d禮物送比雯雯，途中經過「現代教育」

....門口有塊banner，有位導師叫

「Jess Wong」，影到個樣同我既ex係一模一

樣，係一模一樣，我一睇到都定格...^^"

點解有人可以咁似樣

--------------------------------------

3點幾....去食野....連lunch都未食......

靜雯喺whatsapp度同我傾左一陣計

佢好顎然咁........仲緊張過我.......

 

其實好少事啦......對一個人好，

唔係代表對方一定要同自己一齊架嘛，有好多因素既

不過我尋晚諗....原來我放左好多心機喺佢身上，

如果再做朋友，我驚抽唔到身

因為佢既性格好吸引我...

香港唔係好多女仔有呢類性格

雯雯之後....我先至會再繼續尋找...^-^

-------------------------------------------------------------------

返到屋企，睇下自己份報紙....再改進多d

另外，仲要溫下習

----------------------------------------------------------------------

早兩日，台灣BLOG友問香港奶粉既事，

勁細心咁解釋比佢聽.......