爸爸最近很愉快，仲戒緊煙同酒，
我地都好開心，所以我覺得而家快樂地過係最正確既做法
一邊上網搵下資料，一邊祝福爸爸
最近的確係好快樂~~
尋日老細請我地食飯...本來係去小肥羊...
但係興仔上網睇到「季季紅」既乳豬好正咁喎...
所以就當朝決定改左去季季紅
老細好識做，永遠都唔會跟埋黎
肥仔恒之前跛左，成個禮拜無返工
尋日返第一日....仲同老細講「我今晚唔去喇...返屋企休息」
一聽到我地轉地頭....就話「我都係貪食...我想去！^^」
................................................
晏晝同靜雯傾計...食「季季紅」梗係要問下呢個屯門人....
佢同我講︰「幾好......」（要留意下果幾點野）....
我已經心知不妙.........
之後.....同事們臨出門口上網......openrice話0個笑....6個喊......
佢地話慘喇..............>_<
上到車....我同靜雯講返openrice咁.....
佢話︰近一兩年係差左.......
我︰..................................................................
我同興仔+阿傑講....佢地話︰我地好似去緊受咁既......>_<
哈哈哈.....
落車....我一企到落地同佢地講︰
「頭先有個人....著條短褲仔....「撬」起對腳....wow」
佢地即刻二話不說想行番轉頭睇.....
我話︰「不過佢係男人黎架！」
佢地即刻行返埋黎....望住我.....-_-"
其實我係想講果條友差d 「cake」到我囉......
就算真係女....都唔係行返轉頭睇啩....六點幾大把OL收工啦.....-_-"
講番呢家野....喺鰂魚涌巴士站等車既時候.....
我地三個一企埋一齊....一字排開....對眼左碌碌右碌碌...
「果個得唔得？」「唔.......」
d手錚撞黎撞去....最攪笑係遠處有個女仔行過黎.....
behind住我地....之後個女仔望住我笑囉......
佢地話︰「果個女仔行到埋黎望住你笑喎.....」
我︰「...................................」
都係講番季季紅....6半上到去.....
吹左陣水....7點隻豬就到啦......
一上枱就影比靜雯睇.....佢都影番佢準備瑜珈堂既LOOK俾我睇.....
紮起瓣仔~~~幾靚wo（佢︰........................................）hahaha
全晚最好食已經係隻豬！
其他野ok la.....d鮑魚韌到媽媽到都唔認得......食擦膠咁
不過最開心唔係食野...係大家傾計吹水既時候
乜鬼野都講....由6半人地開...食到11點人地就收工....
絕對唔野少......我一早話我淨係飲茶/紅酒....
唔飲凍野....但最後都係比人攪到紅酒->白酒->啤酒
最後係點？當然又係暈暈地啦.....-_-"
不過真係好開心！
興仔呢d斯文人....居然成晚爆粗...我真係未見過...
可見大家既開心程度......
班人仲想「chok」我講一d佢地一直都想知既野....
真係xx.....點會「chok」到....
走人....一落樓下....又係一行五人的士~~
去完天后...鰂魚涌....耀東....最後返我屋企
有一樣野...真係值得一講......
嫁的士去到柴灣既時候...我已經覺得....
「點解猛咁跟住前面嫁的士既......」（酒醉5分醒）
仲要跟到屋企樓下....前面的士有個女仔落車........（酒醉5分醒）
黑色裙仔...幾高...但係我睇唔到正面........（酒醉5分醒）
之後我都落車啦....果個女仔又行入去同一棟大廈........（酒醉5分醒）
但係我入到去....個女仔上左樓........（酒醉5分醒）
但部「車立」喺二樓停左........（酒醉5分醒）
我喺度諗︰「乜我果層有d咁索既女仔架咩.....」........（酒醉5分醒）
之後無再諗lu......
我上到二樓.....行到自己個單位.....
果個女仔開緊我屋企道門呀！！！（酒醉9分醒）
原來係我家姐黎架...............>_<
頂！！真係洗眼呀！！我一入到屋~
同佢講︰「人搭的士你又做乜搭的士呀！！！夜媽媽搭乜鬼野的士呀！！」
（毫無邏輯兼特登攪事中....嘈喧巴閉）
佢︰「人地收工收得夜咪搭的士囉....>_<」
我︰「攪錯呀！！」下刪三百句....
（其實係想掩飾自己睇錯女......-_-"....hahahaha）
其實家姐呢排瘦左好多...認佢唔出....
佢仲成日曬自己條24吋腰...痴痴地線！
之後一入媽咪房....話比佢聽...佢都大笑.....>_<
-----------------------------------------------------------------------------------
老細叫我地今日晏d返...所以喺屋企整下野先返工
媽咪晨早就教訓我︰「醉醒喇呵...唔好飲醉呀下.....乜乜乜乜乜乜....」
work hard play hard丫嘛......幾個月先一次....
而且我仲清醒架....醉極有限啦太太...........
我點會比自己貓到昏迷果隻丫.......
之後媽咪一直bee lee ba la，直到出門口返工.....-_-"
-------------------------------------------------------------------------------------
今日開會我讚我其中一個下屬，
老細事後同我講︰「啱呀阿南...有時鬧下有時讚下...佢地先聽話架....」
我︰「........................................」
公司既貼士比賽！終於帶頭啦！hahahahahha
上年我都係冠軍....但係爭一分先至60分呀達標
否則冠軍都係無用.........
結果白白無左幾千蚊獎金呀！！激到嘔血！我d同事而家都仲有講....
今季仲有10次賽事就完.....唔會跑十次馬連6分都拎唔到呀下嘛....
呢個比賽基本上得番我同阿傑鬥.....
其餘果兩個都鬥緊....鬥緊個包尾位置....
前面有前面鬥...後面有後面鬥.....哈哈哈.....
希望今年會拎到果幾千蚊獎金啦！！
不過一定要帶甩阿傑先！加油！
----------------------------------------------------------------------
（新加）
今晚雖然有馬跑，但大家都揀左咁今日提早慶祝父親節
全家都好開心，十分幸福，希望以後都可以咁開心
埋單700蚊，相當值得
爸爸話6月26日覆診咁啱我新曆生日....
我有d顎然佢居然會記得...好多謝佢
我今年生日願望都係同佢有關
再唔係一d希望可以早日娶老婆，有一個幸福家庭
或者係工作方面既野，因為呢d野完全可以掌握在自己手中
但爸爸的事，我會經常替他祈禱
----------------------------------------------------------------------
生日飯消息︰
已約的︰安琪妹，阿中，何穎妍（不過佢會收晏少少）
不過睇下叫唔叫阿福先....安琪好似好想見佢咁喎....haha
阿yen會另外同我食飯....因為佢話其他人唔識佢...唔係咁好...
今日經過上商都望下見唔見到佢...結果無收穫....-_-
最開心既係....我問佢「626得閒嗎？」
佢即刻話︰「你生日wow！」
我唔係成日搵佢佢都記得....反而我成日都要望可樂罐先記得佢生日...
真係失敗.....-_-
睇下嘉穎肯唔肯去啦....其實佢一向唔係咁鐘意見到我d fd既....
本來我想星期五約阿中...但嘉穎有d急事想見我個保險姨姨...
因為佢要幾日內決定一d野（的確好急）...所以下星期先見阿中喇....
--------------------------------------------------------------------------------
http://www.youtube.com/watch?v=bl_rKC1Ny7Y&feature=related
最近覺得好好聽....超愛楊丞琳D歌
----------------------------------------------------------------------------------
試過喺生日正日....有兩個唔同既女生.....
分別彈出及清唱出以下首歌比我聽......
最開心在..佢地兩個都唔識呢首歌...但好落力去彈去唱....
http://www.youtube.com/watch?v=AuDh3t0QEp4
因為...曾幾何時....我好鐘意呢一首歌....
--------------------------------------------------------------------------------
曾蔭權做官三十幾年....臨退休先至被「冠以」貪曾之名.....
而家就算行步路都可能係錯既.....真係坎坷....
當然....佢自己都做錯晒既....都唔識避嫌....
次次見佢吞嚥既時候....真係眼火爆....
但另一方面....好似畢加索畫展咁....人地早少少開門比佢去睇....
都比人鬧....如果人地係特登劃一個公眾時間比佢睇...
而公眾唔比入就話遮.....但而家日日東方頭條就咬住佢唔放....
真係去到吹毛求疵既地步......
希望CY可以做好D
--------------------------------------------------------------------------------------
http://hk.news.yahoo.com/港府度蹺催婚-結婚不妨有得分-224908983.html
原來新加坡有呢d政策...又幾攪笑喎~~
文章定位：
人氣(17) | 回應(0)| 推薦 (
0)| 收藏 (
0)|
轉寄
全站分類:
不分類
