而家開始放暑假，真係好鬼正，日日都好多時間做自己既野，除每日同d小朋友補習之外，就係做自己野，完全係勁free勁似退休！但其實我覺得自己都幾enjoy呢種生活，唔洗日日上戰場衝鋒陷陣，可以俾自己身心靈都休息一下，慢慢地重新再發現自己。當我有空閒咁仔細諗下我既人生、我既理想、我既將來同我自己，感覺自己其實失去好多，但又得到唔少。我失去好多既時間、青春同埋關係（係！無錯！係關係！），但我得到一個好好既男朋友（雖然有d專制=_=")、得到一班好正既朋友仔（雖然大家都有少許騎呢之氣），仲有最重要係對我屋企人不離不棄既好媽媽。
尋日我家姐個仔同埋我亞哥個女都係我屋企玩，我見到我亞媽（即係佢地既婆婆同grandma）同佢地兩個玩到不亦樂乎，我就呷醋喇！同亞媽講：「而家人地有孫玩就唔洗理個女喇！」亞媽就話：「咁你廿幾喇！大個女喇！」咁我就話：「咁大個兩個你又理！」跟住我亞媽應該係到無奈ing。老實講，我真係幾想依賴下我屋企，但就唔可以，所以我都幾鐘意依賴我身邊既人，你依賴下我，我又可以依賴下你，關係先可以維持得到。
唔講住喇！周身骨痛，抖下先！
文章定位：
