泰國之旅
30/3 由home出發到機場,原定班機6點幾飛,但唔知咩原因要delay到8點幾先飛到,慘!!對我唔好ge事發生啦!!飛左無耐我突然好唔舒服,then我衝左去toilet度嘔,好辛苦…來來回回都嘔左4次左右,最令我痛苦ge事係班機原定係30分鐘後可以降落,但因曼谷天氣唔好,攪到又要delay多半個鐘,最後我都可以忍到落機,係短短三個幾鐘頭機ge時間內,我可以嘔左4至5次左右,真係勁呀!!!!
到過關,仲攪笑我好辛苦咁俾passport個泰國海關睇,then佢就叫我望住探熱器,之後又問我逗留係曼谷幾耐,攪到我好似帶菌者咁,驚我帶d咩病毒黎泰國,真係攪笑,哈哈!!!大約半夜12點多終於步出曼谷機場啦!!不過都己經好夜!咁我地就返左酒店休息…
31/3 我地大家食早餐之後出發
我地黎到dream world,成班就一齊入去玩,一開始我地就入左飄雪樂園度玩同影相,裡面好鬼凍呀!!!得個零下5度,所以我地逗留左10幾分鐘後就出去玩其他game,我地先去玩激流(衝落黎ge水花好大攪到我地成身都濕晒)之後我地唔理佢就繼續玩過山車同埋一個差唔多成90度ge海盜船(呢個我驚玩完會嘔,所以無玩到^_^)…..then我地食lunch,食飽飽後我地係度買番少少手信同埋紋下身先(只keep兩個星期個d)之後都影番少少相留念(因為開頭去到只顧玩,無乜影過相)
我地又黎到老虎仔樂園,去到我地就即刻餵老虎仔飲奶,跟住就去睇豬賽跑同計數,隻豬好聽我話,我出左條數俾佢計,佢就即刻俾番岩ge答案我,但工作人員出左好多條佢都計錯,唔知我同佢係咪同類佢先咁聽我話呢…哈哈!!!跟住行街食飯,再夜d我地就去左睇model show同埋真人show,好好睇同埋d女又靚身材又正.
1/4 我地去到琶緹雅,個度好靚好正,簡直係我夢寐以求ge地方,我地係個度玩左香蕉船,水上電單車,降落傘….真係好正好好玩,…不過時間唔係好夠,玩左兩個幾鐘之後係度食埋飯then返hotel,沖完涼之後又去睇魔術表現,跟住就去左泰式按摩,真係好鬼正好舒服,之後我地就去食飯,跟住又去睇show,今次睇ge係三合一show同人妖show,呢兩個show都好好睇同好攪笑,
2/4 呢日我地黎左騎大象,騎上去個時好鬼驚跌落黎,玩完後我地就去左big c度行街買野,都算有d收獲啦!之後食飽飯,我地黎到平靚正ge地方買野,就係跳蚤市場啦!!個度真係好多野買,手上都好似有好多戰利品咁,跟住係車上就睇下ｄ戰利品同埋仲有幾錢淨，我ｄfd都話我洗極都仲係咁多錢咁,呢日shopping得好滿足…….yeah
3/4 呢日我地黎到海底世界,好鬼多野睇呀!!!我地可以近距離睇到d海底生物,感覺都幾好,睇完海底世界,我地就上番商場度食m記啦!!!我個fd話全世界係得泰國ge 麥當奴叔叔係(sa wa di cup)手勢,跟住我地同麥當奴叔叔影番張相hehe,都幾攪笑…..^_^
到左3/4晚上,我地要離開啦!!!返到曼谷機場,我地好唔捨得我地個導遊(蘭姐)離開,跟住大家黎一個大合照….就上機啦!!!!返到澳門都差唔多兩點…跟住大家互相留低電話就各散東西…..對於呢個旅程都幾好玩,令我大開眼界之余,仲見識左好多野,有機會ge話我一定會再去多次泰國…
文章定位：
