24h購物| | PChome| 登入
2004-12-06 23:57:25| 人氣36| 回應0 | 上一篇 | 下一篇

兄弟情

推薦 0 收藏 0 轉貼0 訂閱站台

又係用電視汁浸死我的一日, 看MTV 頒獎禮, 看黃霑悼念, 看獎門人, 看金粉佳人, 看恐龍. 又係考試前的一片死寂, 一灘死水, 真係有d 令人找不到生存的勇氣. 去左一個人踏單車, 好冷, 中間經過一個樹底, 突然上面有很多雀, 我想有過百隻, 它們一齊大叫. 我冒著中雀屎的危險, 停左係入面很久, 我望著d 雀, 感覺很好.

大自然真係偉大. 我一聽到d 大聲野, 就會好high. 好似今朝, 教完琴, 經過球場, 見到好多人, 原來係聖誕前的特別崇拜, 係用Band 去歌頌神, 我聽左陣, 忍唔住扮教友入左去. 聽左四首歌, 好High, 因為真係好大聲. 個一刻, 我突然有信主的衝動, 但我都明白eｄ係瞬間的激情, 唔可信既, 我只係因為受音樂所感動而產生的激情.

今日就勤力番d, 溫左書, 又好努力咁寫番個Project D 野. 發現自己真係好唔抵得悶, 一悶我就好Down. 發現左周國賢出第二隻碟, 都唔錯, 雖然好像Pop 左d. 我諗我想走既路線同佢走緊既一樣, 但佢都好似紅唔起, 最慘佢又靚仔過我禁多, 所以我都係死得la. 不過我唔like 佢一樣就係, 佢既然有Band, 就唔應該以個人名義出碟,
禁係對兄弟的背叛, 如果當年黃家駒唔Beyond, 以個人名義出碟, 肯定無現在的Beyond 禁好. 黃貫中, 黃家強都係後少少先崛起, 所以我欣賞黃家駒都包括e 樣, 唔會睇唔起人. 所以周國賢再係咁致兄弟於不顧, 我買佢出唔到第三隻碟. 特別推介, "不敵", "溫室氣球"

一個其貌不揚的人上到電視, 總有其理由. 原來黃霑的相識真係滿天下, 最慘就係佢對個個都好, 搞到人地係佢死個時, 一定唔會唔記得佢. 禁既態度, 我一定要學下.

我要檢舉
台長： 阿魚
人氣(36) | 回應(0)| 推薦 (0)| 收藏 (0)| 轉寄
全站分類: 不分類

TOP
詳全文