E & T Secret Garden

0愛的鼓勵 0訂閱站台

好驚訝今日click入黎會見到你0既留言
雖然好期待但真係冇諗過..
更震撼係你0既內容
由緊張, 到興奮, 安慰, 不知所措
然後係一片迷惑0既沉靜
一時之間唔識得講d咩回應..
過左幾個鐘終於可以開始

同你分開呢幾個月0既經歷好深刻
因為好多野都只可以自己面對
呢段時間其實我每日都會諗起你
直至最近諗少左
竟然又見到呢篇文章
唔知呢d算唔算我同你之間0既緣份?

其實真係唔好再講sorry..
分左手之後我諗過點解你要同我分手
幫你諗左好多原因出黎
我又估下其實仲有冇d咩係你瞞住我唔俾我知
最後我諗到
你要同邊個一齊唔同邊個一齊
其實係你人生0既選擇
一個人0既人生要點行做咩決定
只有0個個人可以控制
就算係父母都無權干涉
更何況我呢?
諗到呢度
終於令我自己舒服少少
而亦正如我所講
你只係對自己人生負責
唔使再講sorry la

唔知你閒時黎開呢個板有冇留意到呢?
左手邊有個累積人氣0既物體
我同你分開時只有三百幾
之後我差唔多每日都會黎一次
話咁快而家就到左五百幾
記唔記得我講過我同你之間仲有好多可能性?
呢咁多個月黎我同你有各自0既生活
各自0既見聞
各自0既變化
有時我會幻想如果同你0係返埋一齊究竟會點
好似以前咁?
會好快分返開定係會有好結果呢?
真係諗唔到
我做左呢份工之後
有同事結婚, 買樓, 有左, 生仔, 死左個仔都有
每次遇到呢d人生大事
我都有將自己投入落個角色度諗如果個主角係我會點呢?
而女主角不期然地就係你

好多謝你講我聽你0既諗法..
我真係好開心..真係
dumpty呢個名
真係冇諗過會再聽到..
人同人0既際遇好奇妙
緣份
雖然虛無
但似乎係唯一0既依靠