章魚日記 Dear Diary, ................. 若因懶散寫不了日記 那就週記 要不月記 但願在開春一記之後 別成了年記才好

75愛的鼓勵 0訂閱站台

細漢時陣，阿公是靠山。

見擺阮若沒乖，

阿母giah箠仔咧欲拍囡仔的時，

阿公就喝講：「好啊啦，才囡仔疕nia，按呢一直拍！欲拍乎袂大nih?」

阿公上愛問我：「阿倩大漢欲做啥？」

⋯⋯「我欲賺錢乎阿公開。」

按呢講就會使綴阿公去夜市仔吃好料。

花枝羹、米粉炒、切粉腸、沙魚烟、魯肉飯，

擱開一罐晃頭仔，

阿公lim甲真歡喜，

阮囡仔嘛賺一頓腥臊。

阿公雖罔沒讀過冊，不過誠摮算數，免用計算機。

我的數學功課若是有一百分，攏是靠阿公湊相共。

伊嘛上愛喊阮姐弟：貓仔沒佇咧，貓鼠仔會翹腳。

意思講阮趁阿爸阿母沒閒管教咧變空變榫。

想著阿公咧講這句話的時，假嘴齒險欲落落來的表情，

也懷念、也擱有趣味。

想起阿公的點點滴滴、想阮阿公彼當時惜孫的心情。