閱後記 阿..有日記.有閱後感.有咩有咩.又有咩..咩咩咩掛

10愛的鼓勵 0訂閱站台

距離上次ge網誌已經兩個月...

呢兩個月其實發生左好多好多事....

我發現我原來好唔受得壓力我係某一方面好弱..如音樂...唔通我就係傳說中ge草莓族..hehe

無耐試過因為生活過得幸福而笑..每日都好忙最近..就係呢一個月左右..我真係唔喜歡咁樣....無時間去思考自己ge人生..無時間去紀念自己到底係幾幸福..

寫到呢到我決定比一個挑戰自己.....

最近為口琴ge事好煩惱..因為我真係吹唔掂.......唔掂就係唔掂...好唔開心..

亦因為一d人令我好唔爽..亦因為一d要上台報告ge事令我覺得好有壓力....我無辦法釋懷.好唔開心....好累..

我到底幾耐無享受空閒..到底有幾耐無試過心無旁貸的生活呢..好耐..真係原來好耐....

有人話壓力係動力...我完全唔覺得..我覺得人唯一ge動力就係興趣..一個人如果對做ge事無興趣..咁完全係一種負責任ge狀況而已..

講起責任就令我想起宗益哥同我講ge事..原來我真係好多事都只係為左責任而去做..難怪我好小係當中享受到...我真係一個唔係幾識享受做事ge人..he..

我真係脆弱..抗壓能力真係好低..係呢一方面要提升一下..而提升ge方法我認為為嘗試去學習享受生命...享受正在做ge事...

而且又再發現自己原來好缺乏勇氣...呢兩個字離我好遠阿...我好希望我可以離呢兩個字近d...近小小就好..

 

今日就打到呢道就好