原來, 兩個月都無寫blog, 這兩個月來發生左好多事, 真係好多事.
3月初, 陸生突然同我講好想生多個bb, 佢好想見到我大肚個樣, 吓, 原來就係為左呢個原因, 可能這只是一個原因吧. 然後我的無名火就起了, 起呀起, 那晚(即佢講完之後幾個鐘之後), 我終於寫左幾頁紙的信俾佢, 同佢講我心裡積壓左好耐的事, 但其實呢d 事, 一早都同佢講過, 佢聽左, 唔入耳就黑面, 入到耳的就會'哦'一聲.
其實, 由阿仔小一開始就話想返屯門買樓, 講講下, 已經三年級了. 我超想自己湊返阿仔, 在阿仔升小三那個exam, 我已話過如果佢考不到全級70, 我就唔做, 全職湊佢. 呢件事陸生都知, 結果, 阿仔考八十幾, 我亦因為加薪問題而唔續約. 但到左十月, 一個金融海嘯, 就連我媽都叫我要搵返份工, 好, 搵啦, 但我都係想湊阿仔woo, 然後好多人都話市道不好, 我都係本著有得做就做, 人工我唔會減, 點知, 俾我搵到呢份工, 仲可以收得早.
但阿仔的態度, 不論係學習 / 待人處事, 都愈來愈差. 甚至乎去到現在只有我場的時間, 佢先會好少少.
再者, 我亦不只一次同陸生講: 你唔好俾我覺得我無左你都得!
就係咁, 我就決定左要走, 然後搵地產睇樓, 大概80萬左右. 當阿仔知道之後, 阿仔同我講: '媽咪, 你唔好同老豆離婚啦, 好唔好? 佢做錯野你咪鬧佢lor, 佢會乖返ga!'
但我都係堅持: '就算媽咪同你搬走, 老豆依然無變, 佢都係星期六晚上同你玩, 星期日同你食晚飯, 如果星期二佢收工唔累佢會來食飯, 同而家一樣ga, 老豆又唔會教你做功課, 返左屋企佢又係自己一個玩電腦, 無分別ga'
最令我嬲的, 係封信3月8給俾佢, 佢到左3月17日都依然扮無事發生, 有一晚我同佢講我去了睇樓, 佢都係無反應. 結果, 由3月8號起, 晚晚狂喊
在facebook tag左我個blog, 竟然只有幾個人reply 我 (不論是msn, sms, 留言), 其他的~~我只好認為佢地係唔識呢個function 又或者超耐無上facebook啦, 再一次感到'視而不見'的冷漠 (朋友woo).
晚晚都唔想返屋企, 一約到人就出去逛, 返到屋企咩都唔想做. 可能我一向都俾人感覺到我好硬淨, 所以來來去去都係o個幾個老死輔導我, 而以前日傾夜傾的朋友呢?一個電話都無, 呵, 唔好怪我咁講, 事實上如果你也認為這件事對於我來說是'specail / important', 點解一個電話都無? 終於, 我想到陸生的陋習, 可能係因為無一個family 的根基而起, 佢慣左一個人, 甚少與我地接觸, 好難想像到一個family 要做d咩, and 佢在家庭中有咩責任 and duties, 而我就背起呢個family的職 and 權, 所以好吃力 (這一點亦thanks fion 點醒), 所以, 初商之後, 決定了3房, 但價錢太高我又上唔到會, 煩
呢個easter, 放左幾日假, 個人真係開心左, 終於我可以做返我想要的family 模式, 同阿仔玩,做功課,周圍去. 可能陸生真係有改變啦, 但睇定d, 分分鐘同佢好返, 佢就故態復萌.
其實想搬的另一個原因, 係我阿媽太寵阿俊, 我都係由我媽湊大, 所以我估得到將來阿仔會係點. 同埋而家阿俊已唔聽我媽講, 每日我返到去, 唔係聽我媽好勞氣, 又聽到家姐投訴, 我問左n 次 : 咁我可以點做呀?又係你俾佢玩電腦, 我lock左pin 你又解返
搬......真係好想.......... 但我無理由咁傻叫佢搬返天水圍讀, 屯門有7間band 1學校, 元朗and 天水圍只有2間, 其他的都差到無倫
3月尾, 返左大陸入貨, 買左幾百蚊, 唔知有無得回本, 加油呀, 一定要得呀! 快d搞返個website先, 放低左成年喇.
趁mothers' day, 執返一筆先.
好喇, 明日要返工喇, 唔知幾時再寫過.
文章定位：
