24h購物| | PChome| 登入
2003-11-07 10:26:17| 人氣41| 回應0 | 上一篇 | 下一篇

大將之風

推薦 0 收藏 0 轉貼0 訂閱站台

今日又係星期二, poly 又要練波, 而家練波, 練d 咩, 又或者有冇得打都冇所謂喇, 打就當然冇得打o家啦, 而且都最後一年喇, 咁好彩入到十二個, 咁未玩埋去囉。

不過想玩得開心d 都難, 而家o係poly, 好似唔知點咁, 好似...打得勁o既一班, 打得cheap o既一班, 我就當然做o左cheap 果班啦, 所以呢, 去到, 都係當練下波, 郁下就算喇。
今年我地都幾強o家, 話晒有個港隊o既豪仔入o左黎, 又有孖仔wor, 我都望佢地win 到, 咁就最後一年都有獎攞啦 ^^"。
豪仔呢個人之前都聽過o家喇, 不過都係今年先見到佢真人, 咁打得港隊, 技術當然有番咁上下, 高都更加有番咁上下啦, 不過, 我完全睇唔起呢一個所謂o既大將囉。

我覺得, 如果打隊o既話, 唔可以期望個個技術有你咁高超, 梗有一d 冇咁好o家啦, 就好似我set 波咁, 球球都咁靚, 咁就唔到阿棋打協興啦, 不如我打仲好?! 唔單止我, 其他人打失波呀, 開失波呀, 佢一樣係咁o既死樣對住人, 真係見到佢就食唔落飯呀!!

有一次仲興, 開局果陣, 隊友接一傳飛o左去打鎚位, 咁我未叫人幫手囉, 點知冇人幫手, 個波落o左地, 我仲要俾人話我setter 唔攞波wor, 頂, 不如個波飛到對面場我都側滾飛身加魚躍咁得未?? 點知個pk 豪仔仲要話我, 每個人o係場上面都有自己o既責任, 頂佢, 我知佢巴屎閉, 係poly o既主將, 咁叻, 一個打六個囉!!
俾佢話o左, 都算啦, 到o左今日, 我就見識到佢所謂o既責任係咩喇。

今日個個人都打得好差, 包括正選果六個, pk 豪當然又黑晒塊面啦, 仲要發脾氣tim, 阿棋set 波都冇平時咁好, 咁就睇pk 豪表演喇, set 唔靚果d 波, 一係就亂打落網, 係一就打走個波, 仲要有d 連跳都唔跳, 懶得去攞咁, wa, 又係wor, 原來大鎚o既責任, 就係等靚波o既出現o既, 佢就勁啦, 一有靚波, 大把人都識洞啦, 駛唔駛等你呀?!
港隊? 超...連大鎚最基本o既野都打唔好, 得個高字。 雖然佢係勁我幾班, 不過唔好意思, 我睇唔起佢。

大將, 冇大將之風, 變o左二九流之輩。 我技術九流, 但係有一流o既風格, 先係真正o既球員。

4/11/2003 風四字

我要檢舉
台長： 風四
人氣(41) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文