壯士們的迪士尼之旅＠優悠天空，與你一起放晴.....

2007-10-22 22:03:38| 人氣142| 回應4 | 上一篇 | 下一篇

壯士們的迪士尼之旅

推薦 0 收藏 0 轉貼0 訂閱站台

終於有時間打我的新聞台啦～～
可以將１０月１９日一連兩日的迪迪尼之旅記低啦～～
好開心今次旅程可以做到同食到自己大部份想去同食既野．．
先講迪迪尼既哈佬喂，真係玩足一日。玩左好多野～～
跟著第二日就去左山頂，睇蠟像館，去宜家家私，食許留山、SHABU SHABU 火鍋

真係好滿足呀．．
而家得我分享下我的第一日迪迪之旅啦～～

第一站就去左玩驚心動魄太空山，真係好刺激．．
好鐘意入面的鬼詭佈置，入面真係黑烏烏的．．
真是伸手不見五指的．．
瘋狂地叫．．．
雖然玩完之後，壯士們都有點暈暈地．．
但是大家都想玩多次．．

在玩這個之前發生一件小插曲．．迪迪之旅翻外篇一
話說在玩這個過山車之前，在拿快證時｜我同ＪＯＹ與壯士們失散了
結果｜大家靠著頂女巫帽找到大家～～
真係要多頂這個帽了．．

自己很喜歡的一張照片，估下這個女巫係邊兩個～～

第二個自己很鐘意的３Ｄ動畫．．
戴著個３Ｄ眼鐘睇，真係好得意呀．．
好似Ｄ公仔係你面前咁，伸手可ＴＯＵＣＨ佢
好鐘意佢入面飛天個幕，真係好似飛著咁呀
好得意，好正呀

翻外二﹕睇完野之後，我們分開睇野
我與呀吉去探險世界到坐森林河流之旅，其餘壯士就到小鎮大街與人物拍照．．
我們相約三點多到小鎮一齊睇巡遊．．
結果，我們又再次失散了．．我與呀吉找左好耐都唔見其他壯士
最終，在巡遊差不到完結時，我地終於重遇啦．．
又係多得頂女巫帽．．
大家撞翻果刻，簡直好似失散十幾年，重遇咁．．
差再米黎個情深的擁抱．．

不得提這個詭異酒店．．
排左成粒鐘有多的，人多到簡直好似由紅街市排到去水坑尾咁．．
雖然係咁，但壯士們決意要玩．．

鬼酒店入面Ｄ鬼真係好似生化危機的喪屍咁．．
最搞笑係呀吉一馬當先的行頭位，結果係入面的門邊見到隻鬼企左係度。
結果，擾讓左一陣，事關呀吉唔知入唔入去好．．
一入去的他就會撲出黎，最終係群情之下就衝左入去。
不過入面Ｄ鬼真係好驚人，突然間走出黎嚇你．．
尤其，入到有窗的位置，突然伸出黎嚇你．．
嚇到呀吉羅起個水樽想打隻鬼隻手，我就為避佢，拉著波地坐左係地下。
混亂左一陣，點知呀吉被人迫左去後面。
我地行行下，發覺呀吉唔見左，大叫呀吉呢．．
成個過程，淨係聽到我地五丁友係度大叫，仲要係高八度．．
真係又驚變到好笑．．
成程就係咁跌跌撞撞的走，被後面Ｄ人推到埋牆，
Ｄ鬼仲驚我地撞親度牆，仲叫我地小心．．ＨＡＨＡ　
真係搞笑．．
最搞笑係，去到尾到門口時，ＪＯＹ大叫，跟著我地一齊叫
嚇到前面Ｄ女仔又係度叫，明明完曬冇野唔知點解都要叫．．
完左係門口，一直大笑．．ＨＡＨＡ
真係笑到肚彎．．玩鬼屋可以玩咁好笑
真係同你地一齊先會咁搞笑．．

最後，波地同我地做左個總結﹕點解我地開始既時候又係叫都咁又驚又好笑，
到最尾又係咁．．叫都聲都沙．．笑到肚都彎．