24h購物| | PChome| 登入
2008-04-15 23:51:23| 人氣66| 回應1 | 上一篇 | 下一篇

忙爆下既週記

推薦 0 收藏 0 轉貼0 訂閱站台

原黎好耐無寫過日記喇，真係好忙呀，番工又忙，放假都無事忙咁．．．噢～～真係好似無乜時間去停一停、諗一諗，寫低少少生活事咁．

今日睇到報紙，一個八歲小朋友因為跌一跌，整到個頭，流完鼻血瞓瞓下就離開咗，又一次表現生命好脆弱，一次意外可能就咁say bye bye．．．

有幾次發夢，唔知點解都好似差唔多相同咁，夢到自己著住高跟鞋追車，跑跑下look咗係度而．．．．．．．．．醒咗後真係幾驚，有一刻諗過，如果有呢個"萬一"，到底係人生終點站呢個大禮堂度有幾多個人會為我流眼淚呢？！　哈哈哈．．．大吉利是，呢個念頭一閃而過，真係唔好再諗落去．只係感慨我哋真係要珍惜每個人既時間，數數下2字頭過咗一半有多喇，除咗努力工作，日忙夜忙外，係咪仲要留意下身邊其他嘢呢．．．．．家人、愛情、朋友、興趣（排名不分先後），好多嘢都想投資更多既時間，好多唔同範疇想再做得更好．

曾經，咩事都好執著，少少嘢都睇唔開，咁樣只會自己一個唔開心，做人幾長命都辛苦啦，日日都有啲嘢睇唔過眼喎．今日，雖然我依家唔係去咗化境，唔會去到心如止水呢個終極層次，我仍然好熱血，對某啲嘢既睇法都幾激、幾爆，但係或者我學識咗比多條路大家行下啦，有啲嘢真係輕輕鬆鬆過咗去咪算囉．．．．．今次呢一關過到，又可能有另一個難關呢，到時今日既事，係好或者壞都淡化咗咯．

仲有，以前諗嘢，想做就去做，好聽講句我個人真係可以好fancy，唔好既咪係無睇遠啲，諗深啲囉，我想去玩就去玩，吏錢咪使錢囉，無啦啦想去旅行，又迫人去旅行，得閒無事又問下男朋友幾時擺酒（哈哈，可能十劃都未有一撇），好好笑，好在真係身邊有人控制下自己，人生係有唔同階段，呢一步自己行得舒服坦然其實好足夠．路．．．．．有時又點只得眼前呢一條呢！而且每個人有自己既步伐，下一個track point 唔一樣係必然架啦！

諗諗下．．．．．個人又開始輕番晒喇！

我要檢舉
台長： SuKi

您可能對以下文章有興趣

人氣(66) | 回應(1)| 推薦 (0)| 收藏 (0)| 轉寄
全站分類: 不分類

我要回應
車車
我地而家都各有各忙, 真係好懷念以前的日子. 我轉左新工之後, 就更加想念你們... 有次我放工回家, 覺得好辛苦..好累, 想起以前的開開心心hea 住返工的子(有時落街買衫買鞋), 都哭左出來 ~~ 可能依d係真正的友情!!! 現在, 既同事一定無可能成為我的朋友..他們太假太自私啦 ~~ 或者,我將自己已經冰封了, 唔想去接受他們 ~ 我自己都唔知呀.. 我總覺得自己係唔屬於依間新既公司！你隻眼無事嗎？你好好休息下, 等閒出來聚下..笑下啦 ~
2008-05-04 21:46:39
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文