24h購物| | PChome| 登入
2006-02-04 13:46:07| 人氣67| 回應0 | 上一篇 | 下一篇

久違的面孔

推薦 0 收藏 0 轉貼0 訂閱站台

等左幾日，終於都等到年初六，我媽咪放假既日子～好開心呀！因為之前同屋企人約定：等齊放假，一齊去漁人碼頭逛逛！

漁人碼頭開左成個月，之前因為唔得閒，所以身為澳門人都未去過呢個所謂澳門首個主題公園．未去之前聽人講人面好靚．．．但去完之後真係對此感失望，因為隨左睇佢ｄ建築外，好似冇乜好睇，ｄ鋪頭得個所謂名牌＆貴，如果唔係佢打正旗號係”澳門首個主題公園”，我諗去果度真係浪費時間．

行完漁人碼頭，我地去左對面既八百伴睇野．行到三樓床上用品部竟然見到一張熟識又久違的面孔，佢就係我中學畢業後差不多成三年冇見既ＢＪ同學，哇～見返舊同學令我諗返起好多讀書既開心野．．．真係好懷念呀！

傾傾下，ＢＪ話：搵我好耐，搵極都搵唔到（嘻嘻～我電話改左呀！），我係全世界最難搵既人．諗落又係，我係一個唔鐘意比人煩既自由人，要搵我當然難啦，因為我聽電話都係睇心情同時間，故此可能有人打比我，明明電話係手，但倘若我唔想聽都奈我唔何的，可能因為咁成人比人覺得我鐘意玩失蹤．．．哈哈～ＢＪ應承你下次你搵我一定比你搵到，唔好嬲啦^^(我知你都唔係小氣的人~Forgive me!)

我要檢舉
台長： SaSa
人氣(67) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文