010202
星期五,昨晚繼續食幸福傷風素,我真係唔明點解佢會叫做幸福傷風素??
唔通食左佢會有幸福??但係佢係一隻藥~醫傷風既~~咁係咪即係病就代表幸福呢?
如果係既話,咁我就一定會做過有病既人喇!!
今日明顯係好左d既,但係喉嚨痛同埋咳仍然不停... ...苦~~~(苦榮口吻)
放工後唔想返屋企呀~~好想去睇海呀...於是我就一個人咁行去灣仔碼頭搭船過尖咀,好舒服架...如果唔係趕住番屋企既話...我真係寧願日日咁搭船再轉巴士,望下海景,吹下海風咁,wow~~~正正呀!!!
係文化中心對出坐左3個鐘頭,感覺好正~~雖然係自己一個人,但可以靜靜地咁諗下野,可以勁唱歌咁,完全唔需要理會別人既眼光~~勁free呀!!!!我真係好鍾意望住個海,佢可以令我好平靜,所以我時不時就會自己去望下海,我諗我唔會去死一個地方望海既,因為我覺得每一個地方既海景都有唔同,再加埋當時既心情.
我記得我曾經問過我既朋友,如果有海,月亮同埋星,你最想佢地係你邊一種心情之下出現呢??
以我既排名就係:
深藍的海----係我唔開心時最想見到既~~~對住個一望無濟而寧靜既海.....
圓圓的月----係我最寂寞時必會出現既~~~對住個月亮..醉心美好回憶中...
滿天的星----係我最開心時最想見到既~~~對住滿天小星星許願而成真...
今日係2月既第一日,仲有兩日就要走喇你... ...好唔捨得你呀!!!
文章定位：
