內心世界~ 我只是一個平凡的女孩子;(愛玩、愛購物、愛扮靚) 喜形於色, 開心會笑, 唔開心會喊, 直接簡單~ 唯一不同係因為得到你的寵愛, 才會令我變成萬千寵愛在一身的小公主!! ^^ **2011兔年快樂呀!!** 新既一年, 我家多了二個新成員.....貓貓叮叮, 同貓貓藍藍!!

640愛的鼓勵 0訂閱站台

30/4-2573

本應尋日咁累, 今日真係唔想出街, 不過難得夾到時間一齊慶祝母親節, 唯有拖住未清醒既身驅出去啦!

估唔到酒樓咁快推出母親節餐, 大哥笑笑下次要更加早慶祝先..........坦白講超討厭市中心酒樓又逼又唔舒服既環境, 所以決定去喜喜, 比錢食飯都開心點呀! 今次仲正到有vip房, 超舒服~~ 最正係唔收開瓶費, 可以拎紅酒去飲.........一路飲酒一路食飯傾計, 氣氛超舒服~ 今晚當然大哥萬歲................下次等老公回來先再請大家食飯...........

最開心係二哥還錢比我, 開心唔係可以拎到d錢, 而係佢宜家環境唔錯, 老婆又攪生意, 希望佢地生意順順利利, 風山水起...........^^

媽咪身體健康, 開開心心, 母親節快樂!!

p.s. 由於貓貓未滿8個月唔可以食吐毛膏, 所以種d貓草比佢地食, 初初超惹蚊, 及後好番少少無咁多蚊,而且剪完d草又生番, 真係唔錯,而且叮叮, 藍藍都鍾意食.........^^ 正呀!