內心世界~ 我只是一個平凡的女孩子;(愛玩、愛購物、愛扮靚) 喜形於色, 開心會笑, 唔開心會喊, 直接簡單~ 唯一不同係因為得到你的寵愛, 才會令我變成萬千寵愛在一身的小公主!! ^^ **2011兔年快樂呀!!** 新既一年, 我家多了二個新成員.....貓貓叮叮, 同貓貓藍藍!!

640愛的鼓勵 0訂閱站台

15/3-2162

尋晚好開心發夢見到朋友生bb, 我們全班人去醫院探佢, 仲分享生bb既心得添.....今日同舊同事傾msn, 佢話我仲咩咁緊張.......哈~~ 咁好朋友有左bb, 個心情梗係興奮同埋期待啦~~ 日有所思, 夜有所夢嗎?

舊同事同我分享佢有bb既心得, 仲教我點check日子.......好感動呀~~ 希望可以好似佢咁一take過, 因為有bb唔係必然, 仲要一試就成功, 真係好幸運。

上次睇左中醫食左3次中藥好番好多, 所以今次又再睇佢, 希望可以改善睡眠習慣, 估唔到真係好勁, 臨走飲完之後, 隔一陣返屋企途中已經想訓覺.........

嫂嫂聽完我講飲1次之後條腰好番哂..佢又去試下, 不過佢比我嚴重好多, 係坐骨神經痛, 要覆診............但係飲完之後嫂嫂話已經無咁痛啦...好開心...話會再去睇多次........估唔到個中醫咁勁.........但係唔見好多人睇, 又唔見人排隊.....媽咪話佢真係咁勁, 二個睇完都ok~~ 下一個應該係小dodo去睇, 睇皮膚都可以....

中醫話媽咪好好, 帶個女睇, 帶埋個媳婦, 仲想帶埋個孫............事關今晚見到媽咪好忙, 又要煲湯, 又要煮飯, 又要煲中藥, 仲要煲2個添...........事關我唔係時時返屋企, 所以煲1次帶走, 另外一次就宜家飲...............

仲有...媽咪煮左好多野.........樣樣都好好味, 係我鍾意架......湯又係我最愛.......所以我唸住母親節就等我煮番餐飯比媽咪食............孝順下佢先.......