24h購物| | PChome| 登入
2009-02-05 19:52:02| 人氣1,242| 回應5 | 上一篇 | 下一篇

準備他的回來-1758

推薦 0 收藏 0 轉貼0 訂閱站台

5/2-1758

倒數仲有3天老公便回來啦!! (希望UK唔好再落咁大既雪, 航班一切正常啦)
所以今天乖乖安在家中, 準備他的回來......

首先當然係清潔啦~ 分左幾日拾架啦~~ 今天最後拾埋主人房就攪掂...近排天氣好好, 掛出露台既衫, 一日就乾, 而且仲有太陽哂過既香味...(唔怪得住左一排既媽咪話最愛就係我既露台啦)~~ ^^ 原來係咁解........

換左kuromi床單, 唔知點解queen size感覺大左咁多, 終於包哂個床褥, 以前既hello bb係差d架..但係kuromi就just fit~~ 而且床單都有公仔...唔錯呀!! 因為HELLO bb wedding個套係得被袋先有公仔, 床單無公仔架..幾呃錢呀~~
被袋都唔錯.......由於老公返來個日約左姊妹出街, 所以...佢一返來見到間房咁kuromi一定好開心......(呵........)同我鬥......好快你就會愛上佢啦!!

突然覺得自己好似工人咁, 準備主人回來....拎定佢既野出來.....老公都話駛唔駛咁誇張......無辦法啦~~ 平時佢d野又唔用, 梗係收收埋埋架啦...(無人搵到我既野架), 所以唔拎定出來...佢真係會亂用所有野架...

唔知點解反而唔習慣情人節一齊, 近排周圍問身邊既朋友依日點過......
1) 朋友A就答唔知呀~~或者出去食飯, 但係佢由拍拖到結婚, 老公都會係正日送花比佢架.....(嘩...宜家仲邊有咁浪漫既男仔架??)

2) 朋友B答可能煮下飯.......不過係老公煮BOR~~ ^^ 嘩...老公識煮飯, 真係羨慕呀.......我老公..唔好比佢入廚房..簡直係地獄廚神。

就連大哥大嫂都為準備提早一個星期慶祝, 掉左個仔比媽咪...二個人手拖手出去燭光晚餐..............

天呀!! 本來就唔需要理會依一日究竟去邊, 有咩禮物, 有咩慶祝..但係佢竟然返來........極不想你眼望我眼..互BEAR咁過呀~~ 但係明知道佢一點都唔浪漫....同埋慣性個答案.......無返來香港太耐, 唔識邊度食飯好? 又話唔識買禮物, 買咩我都唔鍾意.......

其實我唔需要收花, 亦都唔需要買禮物...只係想好好二個人食一餐飯...(但係盡可能唔想我去book位, or 親自下廚)~~ 比點心意好嗎??

又或者係節日恐懼症又來料.........又或者佢連情人節都忘記....真係唔駛唸太多........>.<

我要檢舉
台長： 比比

您可能對以下文章有興趣

人氣(1,242) | 回應(5)| 推薦 (0)| 收藏 (0)| 轉寄
全站分類: 不分類

我要回應
車車
好難架喎,佢都唔識搵地方食飯,你又唔想自己book,又唔想自己煮,一係等佢同你去茶餐廳囉
我個同事去大陸浸溫泉
我都唔知有咩做,話時話,呢幾年我都年年有花收架喎,我都唔記得左添,不過我地冇試過出街食飯,因為我覺得好唔抵,我唔想隔離枱同我隔一條連人都行唔過既路,又唔想見到全餐廳都係食一樣野,亦唔鐘意你book 7點,8:30要你走人,如果你真係唔想book枱,一係去食海鮮啦,又唔會貴左,又唔駛專登book,只要你唔好太peak hour去,早少少去就ok啦
2009-02-06 10:47:02
phoebe
以前佢係香港做野既時候, 情人節會帶我去好多地方食飯架~~ 不過去左uk做野之後, 根本2月就90%唔係香港, 所以唔駛唸去邊, 佢亦都唔會遠洋送花, 係香港佢就會買...查實我唔係太鍾意花...而且覺得仲唔抵, d花又食唔到落肚, 寧願食餐貴仲好.....

唔知呀..或者今年叫外賣囉...佢又唔駛煩, 我又唔駛煩......佢到宜家都未得閒睇blog, 都唔知我煩乜...激死......
2009-02-06 13:28:17
車車
直接同佢講,一係就佢諗去邊度食野,仲要book埋枱。一係就買野返屋企食,不過你唔煮囉
咁我都唔係叫好鐘意花,不過有就開心好多囉,同埋除左第一年真係有扎花送上office,好似都係去d好既花店自己揀一束送比我,唔係好貴,但係我已經覺得夠靚囉
2009-02-06 15:06:06
Eva
我諗你都唔好旨意佢囉, 佢宜家對香港都唔熟, 如果佢返來book左間又貴又唔好食既餐廳, 你又咪唔鍾意, 唔開心. 不如你睇下想去邊間食, 或者有邊間新餐廳你想試, 你用佢個名book, 佢俾錢仲好啦. 其實情人節只要開開心心, 甜甜蜜蜜咪得囉^^
2009-02-06 16:57:26
phoebe
尋晚一見面就問左佢啦~~ 佢比左一個好恐怖既回應我..詳情會打係blog........^^

各位靚太, 情人節快樂呀~~
2009-02-08 12:50:51
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文