生活係呢個世界上,有陣時真係有d...唔係....係好多唔公平,冇道理甚至冇天理既情形,見到呢d咁既狀況就真係令你激氣到死,有陣時真係令你有想打人既衝動,忍耐力差少少都冇可能忍得住,究竟天理何在?
就好似你睇下個隊所謂既前朝英超霸者曼聯,今季究竟佢試過幾多次因為球證誤判而令和變嬴,由輸變和?遠既唔講,我就講近一d既曼聯對熱剌,臨完場時明明個波過晒白界,咁都可以當唔入,真係有冇搞錯??
不過作為我地呢d小角色,遇見呢d不平事又可以點?我地冇辦法去改變任何野,最多都只係可以匿埋謾罵幾句,然後轉頭咪又係要接受現實,唔通真係飛過英國打過球證咩...
所以,有乜野覺得唔公平既真係儘管鬧,因為呢個係你唯一既權利,雖然閙完之後唔公平會持續,不過鬧下過下癮都好gar!!!
p.s.我有一排冇更新了,不過唔好話我,因為呢個係我權利,你唔鍾意既可以唔睇,haha
文章定位: