很高興可以去旺中唱K,同Sarah兩個,一上到五樓個人就話五樓裝修緊,可以落四樓攞糖水/甜品,笑死. 十二點唱到三點鐘,都係$28,真係平通街,由我以前中四係Miramar唱起都好耐無咁平. 我地兩個雖然都唔係好識新歌,但係我都努力學方力申啲歌,唱咗十分鐘的勁歌金曲,仲有我飲歌愛與誠. 跟住行咗陣,因為我想揾啲公仔買掛係個背囊度,總之夠白痴就得. 佢就去睇部新手機,成四千幾,好貴.
我走咗番保安道打乒乓波,咁我一路都係最屎波嗰個. Anyway,我覺得自己正手打得好差,而我咁幾個月先打一次都唔會有improvement. 夜晚,開始繼續同份com. law paper玩,找諗住加段public interest,點知啲source唔見咗,所以唯有自己吹咗幾百字咋.
一點去咗九龍仔公園游水,好晒,好開心,重有好多人喎,而我主要都係晒太陽,游咗兩個池咋. 三點落民生,同Kitty番去探miss,而家民生要貼label先入得,好在遇到鄭sir,佢話我地係舊生,放我地入去. Miss許認得我,佢係我中一班主任,我當年中文幾好嘛,佢會記得, 佢話佢隻狗死咗...Miss蔡話佢個仔去緊歐洲旅行.....anyway,大家都係見吓面,而言談之間,覺得miss唔係咁鐘意新校長. 學校起緊幢新的大樓,而供應社的食物也不同了.
出咗尖咀,我鐘意. 我地平時去開間Ruby Tuesday執咗,好慘....咁最後去咗上次同tony食過lunch的double rainbow(係海運),set dinner $168(1人),係尖咀都合理. 不過我唔係咁鐘意呢間嘢的服務,好似想趕客走咁,同埋咩都有,有鰻魚定食,又有牛排,又有福建炒面,又有疏乎厘,好怪,應該specialize嘛. 繼續行海港城,竟然俾我地係HK records撞到周偉健,成個白痴仔. 佢第一句就話我大隻咁多,好開心呀. 佢留鬚好難睇,難為佢係中大BBA系草,想死.....City大把型仔過佢喇.
有啲人個腦成日諗住做,果然係食X屎大. 俾你由朝做到晚,睇吓你仲有無咁奮興. 我成日要對住啲咁的人,真係....好辛苦.咩原來人同人之間的關係建立係呢味嘢之上,真係悲哀. 我知道無論我再捉住講幾多,都會俾人當傻仔,"你咁做你第二時會好憎你自己",who cares?
文章定位：
