16/1 星期日
11點起身同爺爺麻麻去行樂軒飲茶,飲完茶我自己一個送爺爺去巴士站搭車!!以前我細個果時爺爺拖住我周圍去玩,而家我大個左就拖住爺爺照顧返佢,拖住爺爺果時種感覺十分親切喔~~
晏晝上左Jame屋企,單係等佢換衫執身都已經等左半個小時有多,咁岩auntie煲左紫米露糖水請我食,sign~~已經冇食紫米露好一段日子啦,突然又令我唸番起之前發生的事,回憶有時都幾令人心痛!!
夜晚實行我地的新年大餐計畫!!Jame懶神秘咁帶左我去間Majestic Hotel到食buffet,間hotel好似已經有十幾年歷史咁!!Jame的確冇介紹錯,果到d野食好好味,好味過好多間hotel喎,其中有個炸雪糕糯米慈好好味,出面就又熱又脆,入面就冬冰冰雪糕,同Jame每人食左兩粒,讚!!有機會我都要去呢間到食多次!!原來果到做緊買3送1優惠,但我同Jame只係得兩個人去,洩晒章!!
食完dinner勁飽,就周圍行一陣街,原來隔一條街就係廟街,我第一次踏足廟街咋,有勁多人擺檔睇相,又有人唱粵曲,我行得好興奮,Jame笑我大鄉里低B!!@@"不過今晚只係係咁易行下,冇周圍詳細行下睇下,算吧~~應該有機會再去!!
文章定位: