24h購物| | PChome| 登入
2006-10-11 17:31:15| 人氣12| 回應0 | 上一篇 | 下一篇

(舊文章) 芝麻糊

推薦 0 收藏 0 轉貼0 訂閱站台

25 September 2006
繼前日嘅Tiramisu 之後, 今日整咗芝麻糊

做嘅時間好長, 因為好朋友落Order 想食, 於是我就"整鑊杰嘅", 即係整咗好多碗, 一共係十二碗...太可怕...

今日用咗兩個幾鐘去磨芝麻同隔渣, 我用咗差唔多700 - 800g嚟整, 要整芝麻糊要用米同埋黑芝麻, 米要最少浸4個鐘, 但我浸咗十二個鐘, 芝麻要洗乾淨再炒白, 之後用米同芝麻一齊用Blender 打, 隔渣最煩最長時間, 因為要用手揸d 芝麻米水, 所以揸之前要洗乾淨手啦~啱啱隔完嘅芝麻糊係灰色ga, 第一次整嗰陣仲以為做錯嘢, 因為唔明點解唔係黑色, 平時出街食嗰d 芝麻糊係黑色ga ma, 我整完好似灰水咁, 好醜樣...要煮完之後先變黑色...我blend 完d 芝麻先發現一件大事...原來...我d 冰糖用晒...無晒冰糖.....唯有落砂糖啦...

兩點開始整, 整到四點幾, 要返工, 趕唔切煮好先, 唯有等收工先煮啦, 煮完放落d 膠兜度先知原來有十二碗, 我食咗一碗, 我落砂糖落得唔夠, 唔夠甜味, 但就好香芝麻味....算啦, 都整咗, 可以點呢??

下次試吓唔用米, 改用粘米粉嚟煮, 咁就唔洗浸啦~ (懶...)

好朋友話我知, 原來芝麻係好高卡路里ga....都話我鍾意食嘅嘢好肥ga la!! 點算??

我仲另一味我自己認為撚手嘅甜品, 就係杏仁茶嘞! 杏仁味好香, 有美容功效, 常飲都有益ga, 但就唔可以飲得太多, 因為杏仁飲得多會中毒ga


********************************************************************************
黑芝麻補腦益髮
美髮雖然重要，滋潤肌膚同樣不可以忽視，最好就是美麗與智慧兼俱，那麼，便要多吃黑芝麻。黑芝麻味甘，性平，具有補肝腎、益精血、潤腸燥、補腦益智等功效。《本草備要》：「補肝腎，潤五臟，潤腸，……明耳目，烏鬚髮，利大小腸，逐風濕氣。」


雖然黑芝麻功效良多，更是補腦益髮的妙藥，但是，此藥比較油膩，多吃容易引起消化不良，脾胃虛弱人士不宜多服。此外，它容易助火助濕，因此，燥熱與濕滯人士也不宜多服。不過，民間流傳謂它有疏肝降壓和寧心安神的作用，生活緊張的人士也不妨多服。

我要檢舉
台長： Jenny
人氣(12) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文