擺放玩具的角落 寧願保持沉默 　　　　心才不會被撕破 拜託回憶 　　　　　能放過我

472愛的鼓勵 0訂閱站台

政治遊戲雖然唔係我地呢d小市民玩

不過可以有份做下旁觀者都幾過癮

初初我聽到補選除o左兩個阿太外

冇啦啦多o左七個人(唔好忘記巴士阿叔都有交表)參選o既時候

我真係覺得好反感,覺得香港人好cheap,心有個疑問

點解咁正經o既事都要o黎抽水呢?



漸漸愈睇愈多報紙,愈聽愈多評論,好明白當中有人係真抽水

但其實除o左兩個阿太之外,更加需要唔同立場,背景o既候選人

結果,兩太票數比其他候選人真係拋得太遠

但唔代表佢地o係民主進程裡面冇價值



星期五出席o左大學師兄o既生日活動

傾傾下都有少少講到港島補選,在座十三個人,估唔到都有3個人表態會選葉太


知道師兄no.1不嬲都係偏向保皇,其餘兩個則無一定政治立場

對於葉太o既保皇鐵票我覺得問題不大,因為用保皇o既思維

一係選葉太,一係選飯碗

咁正常人o既話,都揀葉太啦,係咪?唔通真係跳兩下舞就有安定繁榮o既飯食咩?


而師兄no.2覺得葉太比陳太好o既理由係”一個識做野,一個唔識做野”

某程度我係唔太贊成,但有部份同意

應該話”一個做到o野,一個做唔到o野”會好好多

因為陳太唔係”唔識做野”,只係做唔到野,點解我咁講?

其實陳太近幾次言論都有頂撞阿爺

相信佢同阿爺溝通o既時候應該會唔少barrier

所以我可以理解師兄no.2揀葉太係有佢o既Point~


最後,師兄no.3真係令我太失望,佢揀葉太唔揀陳太o既原因真係太可笑

佢話因為覺得揀陳太o既人好膚淺

首先,我都覺得陳太都有帶假面o既時候

不過如果單單因為唔鍾意陳太,就揀葉太o既話就真係好表面,好膚淺

無人講過要二揀一,非黑即白,非陳即葉呢d係咩concept?

如果講膚淺,我認為咁樣非黑即白o既揀法一定最膚淺

請問身為香港人o既有冇睇過報紙呢?


1.直選擂台當天,葉太助選團中一員(男)向陳太的女支持者「箍頸」

請問這是不是文明社會的表現呢?

2.公民黨成員企圖拍下20名葉太支持者獲安排聯袂乘旅遊巴離開,被多名大漢包圍，並將他推倒地上致流血受傷,須進往醫院驗傷及報警處理

請問這是我膚淺的以為他們是打架而不是在親密行為嗎?

3.葉太請歌星(李克勤)加入助選團

請問這是不是膚淺的做show拉票?議事廳是歌廳嗎?

4.臨近投票日,港島區選民+其他地區市民關選舉的匿名”抹黑陳太+衊造諠事實”手機短訊

請問這是不是侮辱香港市民的智慧?

5.自稱中華總商會職員致電選民，訛稱陳太更改選舉編號，由7號改為4號，企圖誤導選民

請問這是不是製造公平公正的選舉?



如果呢d都唔夠膚淺,咁我真係冇o野好講...

我希望部份人只係未深入了解各候選人政綱同處事手法

當然唔想問題係出於部份人o既分析能力

然後令香港出現民主大倒退以及不公平洗橫手選舉啦~