花花"細"界 人生變幻無常, 豈能自己掌握

35愛的鼓勵 0訂閱站台

首領，我今日終於都可以準時放工喇，真係好累呀，工作唔算好多，不過真係好煩囉。我明白升o左職就要承受呢d野。有時真係做到好唔開心，好想喊架，我覺得好無助，身邊d人好似話之你死，你有你賤咁。同埋只係區區果十個八個人都好多是非，你明我想講邊d人啦，佢o地都有黨有派咁，我唔想埋佢o地堆囉，不過同一個office做o野，真係唔好受。同佢o地做同事，一d都唔開心。我好懷念以前可以同你講下電話，傾下心事o既日子...

有時我自己諗，我升職唔係因為我耍o左咩手段所以可以升職，只係咁o岩天時地利人和，但係我覺得人o地就會講我點點點，咁唔通公司話升我，我話唔升，唔通轉工咩！？我都係搵飯食o者...

近排雖然同男朋友見少o左，一星期見一次啦，不過開心o左，佢真係日日都e-mail比我呀，所以好開心。咁你呢，你媽仲有冇哦你呀？有時唔好理佢囉，左入右出，咁你唔係為亞媽而拍拖嘛，你知道自己係同一個點o既人一齊咪得囉。有時鍾意呢家o野其他人係唔可以理解o既。我覺得今日唔知聽日事，珍惜眼前所有o既，想做就做囉(咁梗係唔係叫你去殺人放火啦)。

首領，多謝你