10/12 係SHW Sports Day既第一日, 但係果日約左呀shan cut hair去唔到。 我地之前果日考慮左好耐先決定去fix-up, 原本我地仲有柏麗樓上既2305揀, Denny剪過話幾好, 同埋又有coupon好抵剪, 所以搞到我地唔知點。 諗住抽籤決定, 係D+同Mo搞搞陣之下, 抽左2305, 我就無咩所謂, 但shan話覺得fix-up好似信心大d, 不過D+又覺得fix-up cheap, 因為佢覺得有襯電視睇既salon就係cheap嫁喇! 搞到我地仲唔知點好, 最後我俾左決定權俾呀shan, 佢揀左fix-up就fix-up喇!
果朝, 我先陪Cindy去雅都商場換冷, 之後就join呀shan同四喇, 入到去都唔係好多人, 好快就可以洗頭, 洗個時d洗頭仔都幾多野講, 一洗完就可以剪喇, 咁我打俾D+叫醒佢等佢就時間落黎, 之後一齊行返學。我無指定到個hair stylist, 所以我都唔知佢會剪成點, 但係我都係諗住剪薄同斜陰, 所以都應該無咩問題, 個hair stylist話我好多頭髮好難搞, 佢已經唔係第一個咁講, 所以我都好唔鐘意咁厚, 佢就提議我電負離子, 但係我依家呢個長度會curve起, 所以唔諗住做住, 剪到一半D+到喇, 佢一見到我就係咁講話我個頭似YY。差唔多剪完個hair stylist就同我用負離子果個夾夾直咁會薄d, 呢個look我都幾鐘意, 至於shan佢都唔錯呀, 整到一d都唔似返學, 不過我諗佢會無事既, 同埋都係only果日o者!
之後就行返學喇, 行行下YY打黎叫我幫佢去自修室霸位, 但係我都放晏幫唔到佢, 返到去, 個個都以為我電左負離子, 但其實唔係囉! Juno仲要衰到話我戴左眼鏡之後似林亞真, 真衰格
上完Econ佢地就放學喇, 我就要上埋ACC, 一過到去, 培培好開心, 因為佢恨左我放d頭髮落黎好耐, 佢終於見到喇! 佢話放落黎好d喎, 而Denny都係咁講!
放學就去自修室搵YY, 咁岩Cindy又約左甡仔, 咁我同YY都join埋, 我地一齊屈左甡仔請食野, yeah! 我地去左仙跡岩, 好正, 好好味, 跟住YY就提議同我個新look影貼紙相, 呢次都影得ok! 影完行左陣街我地就走, 甡仔就返學。 我返屋企前就上Cindy度借佢個直髮夾, 因為我果個頭一洗頭就會厚番哂, 但係第二朝我用果時部機真係唔多掂, Cindy借俾我之前已經講過, 好彩果日都唔係太樣衰, 同埋係果日放學等補習既時候, 我同培培行街時買到一個好正既直髮夾, 好有效, 仲要好平, 只係$130咋! 原來係第一次賺錢之後我就諗住買一樣有紀念價值既野作紀念, 但係諗黎諗去都諗唔到買咩好, 呢樣就當係喇! Yeah!~
文章定位：
