--- 香港海洋公園兩天遊 ---
‧第一日‧
原本諗住搭早幾班船過去，
點知原來我地張飛好奇特，
一定要係指定ge時間落船，
結果係碼頭呆等一粒鐘(因為已經入左裡面)。
去到香港，先去恆生銀行，
之後就去巴士站搭629，
嘩~~~~~~ 洗唔洗咁誇張啊?!
巴士條龍繞左兩條街，
淨係去龍尾都行左成分鐘，
咁咪要等好耐?!!
好彩，雙層巴士載客量多，
又多班次，D人都算守秩序，
結果唔洗半個鐘我地就去左車。
(同時有三架629一齊比客上，超好)
YOHO~ 終於到達主要目的地 ---
Ocean Park(係大樹灣落車)，
第一個步驟，就梗係租locker先啦，
廿蚊一日，都算公道，
好喇，海洋公園之旅要開始喇！
【第一站】：越礦飛車
排左差唔多兩粒鐘，終於到喇，
好驚...有畏高...
但係坐到上去，唉，死就死喇，
排左兩粒鐘，幾大都要掰大眼玩，
開車啦......好驚啊~>_<~
好快、好快，總共有三個落斜位，
超high！離心力超勁！
玩完之後覺得自己好犀利，
因為全程都有掰大眼，
紀念性地咁勇敢！Yeah！
【第二站】：海洋劇場
嘩~ 又係超多人，
冇位坐，又未夠鐘，要企係度等，
我地睇2:30戈場，海豚海獅都好得意^_^
佢地ge表演好好睇，不過好短，
得半個鐘左右，同埋冇殺人鯨，遺憾~
【第三站】：鯊魚館、海洋館
有鯊魚、有魚(有D好大條架！)，
可以好近距離咁睇到佢地平時係海裡面係點ge樣，
魔鬼魚好正！超大條！
【第四站】：M記
午飯時間，食M記，兼且要休息下，
因為對腳已經好。
【第五站】：纜車
期待已久，真係好高(望落去)，
自己一個搭實好驚。
【第六站】：加勒比海夏水禮
一個字：正！
雖然唔覺意吞左D泡，搞到我差D嘔，
但係因為咁樣玩可以好忘我，
所以好正，玩完成身泡。
跟住就梗係過隔離噴泉度沖返淨D泡喇，
冇咩特別，純粹沖身。
之後就去對面玩充氣水滑梯，
我係爬上去ge時候，因為條吹氣樓梯太跣(有水)，
於是我好樣衰地好似踩蕉皮咁跣到趴左係度，
仲要好似垂死掙扎咁拉住條扶手繩，
我諗係下面睇熱鬧ge人一定係度笑-_-|||
之但係，sir滑梯真係好好玩，
因為有水ge關係，所以sir得超快，
好玩好玩^_^
原本諗住玩埋水戰，但唔夠時間。
【第七站】：纜車
試完落山，就梗係要試埋上山喇！
纜車秘密回憶---高空襲物:p
【第八站】：海盜船
久仰大名，結果，好玩就好玩，
但時間太短，到喉唔到肺。
【第九站】：太空摩天輪
鮮有可以前後貼住坐黎玩ge遊戲，
高速旋轉加360度倒吊，
玩完之後想暈，行唔到直線，
再過多陣想嘔，好彩唔係剛剛食完野...
係等緊華仔同小娟ge時候，
我同丹彤仲玩埋呢個體重占卜機，
卜文唔錯呢~
海洋公園呢一站到呢度已經係尾聲啦，
跟住我地就搭返629再轉地鐵去落腳ge酒店，
京港，我所住過最細ge一間酒店(指房間面積)，
但係無所謂啦，有熱水、有風筒、有床就得架啦。
返到酒店，換過D衫(因為玩夏水禮所以濕晒)，
就同丹彤兩個人搭地鐵去銅鑼灣信和郞田食Buffet，
重點推介---牛油果軟殼蟹壽司
仲有榮螺刺身、三文魚子壽司都唔錯，
$119/人，飽肚又好食^_^
食完buffet，返酒店沖涼訓覺，
首日行程結束。
‧第二日‧
主要活動範圍：旺角
中午食大快活, 第一次食咋!
咖啡豬扒飯, 好大塊豬扒~
行左女人街, 但冇買野,
跟住周圍行, 買左少少野咁啦^_^
行到咁上下已經唔想行, 於是起程去朗豪坊,
一住食Delifrance, 一住等華仔&小娟,
會合之後, 唔知點解, 去左銅鑼灣食,
間野好似叫茶軒, 是但啦, 總之就係食台灣野,
其實我想試戈間食東南亞野食架,
但小數服從小數...so...
因為丹彤要早走, 原本以為要自己走,
好彩, 香港呢邊超好,
唔洗一定跟船飛上面ge時間,
所以可以同佢一齊走, 好野!!!
就係咁, 香港兩日遊正式結束喇,
下次再去過^_^
p.s. 訂船飛ge時候記得睇清楚有冇
“no early departure (NoEarlyDep)”
香港戈邊還好, 澳門呢邊真係唔比你早落船架!
文章定位：
