Maggie’s sweet memories A place to record my memory. A place to share my joy, sorrows and anger. A place to entertain you guys. A place to receive a word from you. A place to show my love to you all. A place to know "Life is beautiful"!

446愛的鼓勵 0訂閱站台

琴日中秋節, 要o係工作中渡過, 首先, 當然就係要返學啦! 不過因為呢日係casual day, d 學生個心都散d, 上堂開心得來呢, 仲有d 嘈, 不過, 都ok o既, 大時大節, 點會無holiday mood, 因為中秋節o既關係, 我買左d 卡通紙燈籠送比我d 學生, 估唔到o既係連d 中三學生都咁想要d 咁低b o既燈籠呢! 空堂o既時候我仲好無聊咁為我o既同事們整左份cheap cheap 地o既中秋節禮物添! 我要講多次...雖然係cheap, 但係我真係好想wish u all a hapi mid autumn 呢!

琴日校長下令, 學校四點就要關門, 話要d 學生早d 返屋企wor...我幾驚呀, 我返CU返五點半, 咁多時間去得邊呀?! 好彩, 校長其實都係講比D 學生知要佢地早D 返屋企姐...不過...好明顯, 到左四點, 同事們就好快D 走得七七八八, 可憐O既我因為要返學O既關係, 要等到四點九先走...

五點零鐘去到大學站, 去左鴻福堂買燒賣同埋豆漿做我O既中秋節晚餐, 之後就搭校巴返課室上堂, 去到個MOOD 真係唔係幾好, 因為大時大節仲要上堂, 仲要交一份大家都唔係好SURE 自己會唔會PASS O既功課(PS...我上個星期六下午十二點開始做到夜晚七點半一口氣做晒呢份功課, 我都好佩服自己O既毅力)...仲有, 我見開始上堂好耐呀花都仲未到, 有D 擔心, 最後佢遲左大半個鐘先到, 話等唔到車, 因為個個都趕住返屋企做節, 好難等到車呀!!!最後就好爆炸咁來到...我地本來一來到就想叫功課, 點知, 佢真係好精呀! 佢係咁叫我地hold 住份功課話遲d 先收wor....梗係啦, 佢驚我地交左份功課就即閃媽...到左break, 佢叫我地交功課, 果然真係有好多人交左功課就走左! 好彩, 個PROFESSOR 接受左我地O既REQUEST, 早放我地....

本來早放好開心, 點知, 我make 左個錯o既decision, 就係揀左o係太和搭巴士返屋企, 點知去到太和, wah...好多人o係度等車, 排晒長龍, 等左幾班車都上唔到...早知就o係大埔墟巴士總站落車啦! 企到好累, 最後來左架吉車先上到, 一早就應該咁做啦! 上到車, 累到訓著左....好彩都知道幾時要落車...

落車之後, wah wah wah, 我見到個好又大又圓又光o既月亮呀! (就係上面o個張相啦!) 因為呢幾日天氣唔好, 無想過可以o係中秋節賞到月, 點知一落車就見到啦, 梗係即刻拿部相機出來影低佢啦!

之後一路行返屋企, 個頭就開始痛....真係好累呀! 返到屋企, 即沖涼, 看埋歲月風雲, 無錯, 我個中秋節就係咁過左啦!

今日係追月日, 訓到九點幾醒左, 食左少少野之後, 再訓訓到成兩點, 無錯, 我真係變成睡神啦!!!!之後就對住部電視改中三d 文, band one 真係band one...個個都寫到水蛇春咁長, 有d 其實都幾難改...就係咁, 改左成日文...食完飯之後, 豆豆話今晚個月亮好靚...我即刻衝出門口看...係bor...又真係好靚...

中秋節同追月夜都看到咁靚o既月亮, 都算係咁啦...死啦...聽日上堂d readings 全部都未看...aiya...真係好忙...改得d 文來又兼顧唔到d readings...呢兩年, 點捱呀...

ps...sorry 呀...jacky....來唔到你地一年一度o既聚會!!! 我估...我要兩年之後先再參加得到你地o既中秋節party 啦!

相@同事送給我的中秋節禮物!