今日星期二, 本來有第六堂, 點知拿左來全校去hall 看音樂劇....雖然都係同時間放學, 但係上少一堂真係好開心...
無華麗o既舞台, 無名歌星, 無名牌樂器, 無專業o既音響效果, 來o既係四個似壞不壞o既年輕人, 但係, 看完之後就有種百般滋味在心頭o既感覺...
開頭聽佢地彈結他, 打鼓同唱歌都無mud感覺, 只係覺得drum 太大聲聽唔到個主音唱mud, 之後, 佢地唱左d 耳熟能詳o既歌, beyond o既歌, 哥哥o既歌仲有eason o既歌, 都覺得佢地夾得ok, 作為一對學生樂隊, 真係算係咁...但係, 我覺得值得我感動o既係佢地幾個背後o既故事, 其實, 要講只係要四個字, 就係浪子回頭...
做左老師三年啦, 見過o既學生真係唔少, 有d 一直都好乖, 有d 看住佢大看住佢壞, 有d就看住佢壞但係都算搵得返佢地返來...講真, 我d 時間全部都用晒o係d衰人身上, 至於乖o既學生可以講話完全忽略, 因為我根本就無時間去見d 乖小朋友. 如果你問我值唔值得, 因為能夠見到佢地返轉頭, 我會覺得我o既努力無白費到, 就算失敗左, 我都起碼努力過, 第日唔會後悔之前無幫過佢, 我始終相信, 人係唔會壞一世o既, 伊家壞, 只係佢地未識想, 為想得透, 終有一日佢會返轉頭, 而我o既角色, 並唔係”叫”佢返轉頭o既人, 而係”幫”佢返轉頭o個個人. 講就真係好易, 但係做呢, 就真係好難, 三年前一班本來40人, 三年後o既伊家淨返28人, 想起來的確難受, 你問我o個十二個去左邊? 我真係答唔到你, 你問我有無幫過佢地, 我會好肯定咁答你有, 咁你又問我點解你話幫佢地但係最後都走左, 我會答你我尊重佢地當時o既決定, 佢地有咁o既決定, 當時其實都受到好大o既困擾, 我除左盡力幫佢返轉頭之外, 可以做o既就係話比佢地知佢地揀緊o個條路o既後果, 如果咁佢地都接受到, 我就會放手, 最後, 佢地一個一個咁走, 幫唔到佢地, 我唔會內疚, 但係我會心痛同遺憾, 最後, 我只可以同佢地講”我呢一世都係佢地o既miss, 只要你地需要o既話, 我都會盡力幫你地”...我相信, 總有一日佢地係會想通o既...
以前我真係會懷疑我放手o既決定會唔會有錯, 會唔會害左佢地, 今日, 我見証左mud 野叫做浪子回頭, o個四個年輕人都曾經壞透, 但係佢地今日o係個台上面會對以前幫過佢地o既老師表達出無限o既感激, 我就覺得, 我對學生做o既一切都係o係佢地一生人裡面起左少少o既作用, o係某一刻, 我覺得佢地都會記得佢地o既人生曾經出現左一個叫黎希雯o既人為佢地做左少少o野...我覺得, 比我知道佢地真係有o個一刻, 就算係一秒都好, 我都覺得好無憾...同埋, 我想講o既係, 雖然我失敗左十二次, 但係如果我係mud 都唔做, 伊家我o個班應該得返二十人左右, 所以, 我可以對天地講, 我有盡力過!
今日o個班年輕人講, 其實老師越鬧得佢地衰就即係越緊張佢地, 呢樣係真o既, 好多時候, 朋友們同事們都叫我唔好咁緊張同上心, 但係對住自己重視o既人, 好難唔上心...你問我有無鬧過佢地鬧得好甘, 我一定會答有(其實今日先鬧完來), 每次鬧完之後都會好後悔自己講過一d 過份o既說話, 每次都會心想, 佢地係細路仔姐, 慢慢教啦! 但係有時真係頂唔住...因為越對得佢地耐, 就越對佢地有要求, 好想佢地有返少少出息, 唔比人看死...係, 有時真係會好失望, 不過, 呢個都係佢地人生o既磨練, 點都唔會一步登天o既...
o係個concert 最後, 四個年輕人各自講返自己對家人, 老師同學校o既感言, 聽到之後真係好咁動, 有一個人講, 話想同所有幫過佢o既老師講聲”對唔住”同”多謝你”, o個刻我真係好想喊, 如果我係教過佢o既老師, 聽到佢呢六個字, 真係會喊到收唔到聲, 喊係因為佢終於都醒啦! 因為佢o既改變, 佢唔需要人地再為佢擔心, 呢個會係一個有將來, 有希望o既人...眼淚係開心咁滴落來o既!
呢排不停咁倒數淨返落來上堂o既日子, 少不免會想起能夠做E班o既班主任o既時間會越來越少, 就算出年留返o係度教, 但係我o既角色唔再係佢地o既班主任, 我都會唔開心...好唔捨得o係呢三年同佢地一齊渡過o既日子...不過, 人係會長大o既, 看住佢地大, 令我人生多左一份使命感, 覺得自己比起以前做人地o既學生同埋女兒重要....因為, 我有一個夢想, 就係要佢地做返一個”人”...伊家, 我覺得自己成功左一半呢? 另外o個一半, 靠你地自己啦!
相@左以泉, 盧瑞希, 裕次郎(好似我o既大頭寶寶呢!)
文章定位：
人氣(104) | 回應(0)| 推薦 (
0)| 收藏 (
0)|
轉寄
全站分類:
不分類
