聯校運動會＠Maggie’s sweet memories｜PChome Online 個人新聞台

2006-11-11 15:05:00| 人氣149| 回應0 | 上一篇 | 下一篇

聯校運動會

推薦 0 收藏 0 轉貼0 訂閱站台

琴日帶學生去小西灣運動場參加東華聯校運動會, 好彩有車去, 唔係又會有好多人請假話因為安全問題而唔去...學校book 左兩架城巴比d 中一至中三去, 都唔知點解d學生會話好瘀, 成架雙層巴士都係郭一葦0既學生wor, miss 都不知覺得幾型!

本來一心想住呢日都係會悶到七彩啦, 十點鐘去到坐到四點, 同d 學生鬥呆, 點之有意外收穫...去0個時同黃立新坐, 佢一向都唔係咁出聲, 我問佢mud 都係得到唔多過三個字0既答案, 好無癮...之後就同班女仔傾下少女心事(我0既心境仍然都係停留係少女0既階段), 知道好多關於佢地對愛情0既看法, 對佢地0既了解多左, 成程車都唔覺得悶...(徐寶怡, 你講0個句上年自己所做0既"真係好錯!" 令到miss lai 好開心, 就係呢句說話令到我真正知道你真係醒左啦! 恭喜你呀!)

去到之後, 見到d 學生都係呆晒咁坐0係度, 都幾慘, 見到自己學校0既代表一個又一個咁輸, 不過我就覺得都係志在參與, 無所謂啦! 而因為想佢地開心d, 我就買左好多好多糖比佢地食, 我呢個班主任都算係咁啦! 之後就同張百奎, 謝卓龍坐埋一齊傾下少男心事啦! 唔同佢地傾計都唔知伊家d 女仔咁大膽...而之後miss yau 都加入埋, 一齊傾下點樣先係一個好男仔...好彩有佢地jar...唔係琴日真係悶死...

到四點幾, 我地終於都看完個班獎典禮, 準備回程...出乎意料之外, 我地見到關世衡係條街度等我地架車經過, 我可以做0既就只係同佢揮下手同埋笑, 突然見個心有d 唔舒服, 好掛住呢個我教左兩年0既學生...希望佢0既生活過得好好啦!

返到學校都成五點九, 散左之後本來想行下街, 不過最後都係返左屋企, 因為真係好累...

好想再有一日好似琴日咁d 學生可以當我係朋友咁講下心事...希望你地下年可以再去小西灣...(miss 唔係想你地悶, 下年你地去得到即係代表你地升到中四呀!)

不過, 呢日令我唔開心0既就係有三個同學矌課, 文星宇, 廖永健同張國樑, 我星期一要見到0既係你地0既醫生紙, 如果唔係後果會好嚴重...文同學同廖同學, 你估我真係傻架0羊, 又會咁0岩一齊請假, 係人都知發生緊0羊事啦, 傻仔!

相@ 周杰倫開0既意法餐廳, 下次去台灣我一定要去!!!!

我要檢舉

台長：瑪姬

您可能對以下文章有興趣

尊重教師, 還我年資

好久不見

瑪姬歐遊記 - 羅馬

短暫重生

人氣(149) | 回應(0)| 推薦 (0)| 收藏 (0)| 轉寄
全站分類: 台灣旅遊(台澎金馬)

回應(0)

Maggie’s sweet memories A place to record my memory. A place to share my joy, sorrows and anger. A place to entertain you guys. A place to receive a word from you. A place to show my love to you all. A place to know "Life is beautiful"! 446愛的鼓勵 0訂閱站台

聯校運動會

您可能對以下文章有興趣

Maggie’s sweet memories A place to record my memory. A place to share my joy, sorrows and anger. A place to entertain you guys. A place to receive a word from you. A place to show my love to you all. A place to know "Life is beautiful"!
446愛的鼓勵 0訂閱站台