年初三,亦都係赤口...
終於可以訓晏d,11點幾起身食籮白糕,食完就出發~今日係元朗團~!!
同阿媽佢地係香港仔買咗個果籃跟住就搭巴士出香港站join埋老豆,然後就去南昌站搭第一次坐既西鐵,成ga車既style似MTR多過似KCR,不過就好興奮,因為由細到大入元朗屯門絕對係一個折磨,個陣坐一輪地鐵捱到去荃灣仲要轉多40-50分鐘既68M,係後期有西隧先好好多~!!依家竟然可以係南昌坐4個站入到元朗~!!真係開心到爆~!!
第一站係到元朗參觀我表弟間新屋,搬咗去西鐵隔離既采葉軒,超靚~!!超大~!!簡直係marvelous~!!即係覺得海怡cheap咗~哈哈~~
坐低同表弟玩陣電腦冇耐4點幾就我地3個去唱K,其他人入洪水橋打牌~~
元朗又新開咗neway同green box,比起以前d酒廊式卡拉ok好好多~而最好笑係兩間野距離只需行一分鐘就到~
結果來回兩間格晒價終於去唱green box,因為$75已經可以唱3粒鐘(happy hour),包兩杯野飲同任叫野食~抵到爛~!!不過要等到5點半,個陣4點半,所以去咗打機~
打完5點15分到過返去,點知條友唔記得叫我地名,搞到成6點先可以入去,連我表姐同表姐夫都黎埋,本來我地4點幾叫佢唱k佢啱啱訓醒,仲可以係彩虹趕過黎~!!
5個人唱,又俾我阿妹唱脤,男女聲都唱暈晒,搞到我地唔駛唱咁滯~!!
唱到差唔多就8點鐘搭的士趕返入去洪水橋食飯~食完飯同表弟佢地玩魚蝦蠪,哈哈~~玩籌碼都可以俾我嬴晒~哈哈~~真係一係唔買,一買就谷~連老豆個莊都俾我谷爆~!!
跟住10點零11點鐘6家姐打黎,原來佢係香港仔,不過冇人陪佢,因為5,9同10又打牌,真係好笑,其實佢地係我食飯個陣已經打黎話開台,哈哈~~真係爛賭~
結果6家姐去咗香港風情食野兼睇波,等埋佢地3個一齊睇,而我就個陣係元朗走~
趕得切最尾一班西鐵,跟住去到香港站竟然冇小巴,結果等咗4個字我同我阿妹決定搭的士,促進香港經濟~!!激死人~!!
返到香港仔點知係香港風情門口撞到佢地走,仲諗住睇波tim....
結果就散,送咗6家姐返屋企跟住返返香港仔,仲可以撞到上完10妹屋企拎野既5家姐同9妹~哈哈~
文章定位：
