惡料情報 我的生活每一日都係充實的、每一日都係精彩的,發掘同體會身邊的小事,都係一種人生樂趣~~快D睇下我每日發生咩事啦! \"來學我這種態度　遊戲一場 蝴蝶也要努力地翱翔　誰要大家鼓掌 能活得開開心心　也被景仰\"

2,702愛的鼓勵 0訂閱站台

晚上十點幾到達機場，坐十二點三十五分的飛機去日本羽田機場，呢次係我第一次到日本，但唔係旅遊，而係為工作，一連八日我將會同導演，仲有一位日本翻譯Teresa，每日到日本東北一個縣去實地Survey。

本應第一次到新地方，而且係日本心情應該係異常興奮，但係我一個月多的疲累令我心情上完全唔協調，只係不斷擔心我有咩唔記得帶．．．？

四個多小時的機程唔係好瞓到，到達東北後，由於只係當地時間早上六點幾，Join左當地嘅一位guide金滿先生，我地有時間去到JR站食個早餐，開個早會。

到八點坐JR去仙台，我睡足一個多小時的車程，之後就開始喺宮城縣的survey了。首日行程已相當緊密，我地去咗一間香港資本開嘅日式高級溫泉旅館﹣竹泉莊。

竹泉莊：係一間和式設計的旅館，但俾我的感覺係大陸好多酒店都高級過佢，或者呢間旅館貴在用料，但設計我覺得簡約過頭，一間二人最高級的日式房連獨立溫泉，盛惠126,000. . . 嘩！

之後去咗一位日本武將嘅地方睇一隊﹣伊達武將隊。

伊達武將隊：即係著晒古代日本武士軍服的表現隊伍，係八月開始先有，因為要加深旅客對呢個也方的印象。

鐘崎魚餅：之前一直以為係我好鍾意的魚仔紅豆餅，原來完全唔係嗰回事，佢係人手製作，用當時時令的魚打成魚膠之後整返個魚仔造型佢烤佢，好似潮州魚蛋，但魚味好濃，可能係新鮮同時令的原故吧！賣300一件，仲有好多唔同味道，好以加入芝士或者大蔥等等。喺另一邊，就有一部機器製作的鱈魚鐘崎魚餅，唔同的係呢個係機器做，同埋用冰鮮的鱈魚，最重要一點就係只要你按一按鈕，就會跌一條鐘崎魚餅出來。雖然唔係新鮮，但可以免費品嚐，都算係咁啦！

之後我地再去咗鹽釜水產物仲卸市場，係一個吞拿魚拍賣的地方。

同埋去左宮城縣漁業協同組合志津川支所。

宮城縣漁業協同組合志津川支所：屬於政府部門，管理漁產同拍賣，好似三文魚，生蠔同埋帶子等，如果時間啱，到時可能睇到三文魚逆流之上的奇景架！其實聽佢地講，三文魚真係好神奇，佢喺邊度出世，四年之後，喺太平洋遊咗幾個圈，佢又會識得返去出生地產卵。

是日最尾一站就係返酒店，呢間酒店都係一間高級同新的溫泉酒店，呢間酒店仲準備咗一餐歡迎宴，真係不得了，蟹腳，吞拿魚腩刺身，鮑魚，魚翅，海膽飯，蜜瓜（喺香港我係唔食的，但呢的係清甜，第一次食到呢種味）．．．不能盡錄，我亦都不能食盡呀！太浪費了！後尾我先知原來呢餐基本要12,600，再有一種貴啲的要15,600，我唔知邊一種。

食飽飽開埋個會，我就喺度試咗一生人第一次的全祼溫泉！正吖！對住個大海，睇住啲浪浸溫泉，無得頂呀！

呢個行程我將會同翻譯的Teresa一齊住，佢好似我媽媽咁，不過比我媽媽年紀仲要大，但思想超前衞！！佢精通日文，英文，中文，國語真係為我地帶來大大方便，唯一唔好係佢太多野講，同埋喺房成日放屁．．．oh！