係完全唔清楚的情況下去到機場，大家未到七點到齊．．．經過Connie不斷的嘗試同接洽十二小時，我地終於可以出發，而且由泰國東方up grade坐國泰，至於點解用左十二個鐘先到到，過程唔再重要，重要係我地可以如期係今日出發，無浪費大家的假期同期待，已經係萬幸！只好怪我地大部份都係係今年犯太歲，諸事不順就只好怪我地．．．我相信係因為Dave唔信邪，所以先會有一件仔事發生係佢身上～不過到達之後，就霉氣全消！
一行九人一到泰國就租車到芭提雅，途中見到彩虹呀!咁大個女好似第一次到，而且好大條，睇得好清楚～間resort真係唔錯，耐何因為花草樹木比較多，昆蟲都比較多，仲有Tracy最怕的Geroge，哈哈～放好行理即刻出去搵食醫肚～第一次係泰國自由行第一次有機會坐芭提雅先有的兩排車，車內有兩排櫈，我地一行九人剛剛好可以包晒成架車～大家都好鬼肚餓！買左對拖鞋，行左一陣Mike都無咩收獲，又要關門了～
由於第二日都係係芭提雅，一早就起身，去食早餐＋resort個靚靚泳池遊水，好耐都無游得咁free la～之後落好長的芭提雅海灘行，resort同沙灘只有一條馬路之隔，５秒直達，所以都著住對拖鞋出外活動．去Royal Garden Plaza食lunch，個度個food court真係好好味！係個個商場，我開始有收獲啦～Naraya我終於搵到你～買左兩個大袋比自己，仲有手信耶，之後直落Boots～有比人自己啫試用，比埋盒仔你裝添～之後就去outlet行街買野，我就無買到咩，但安仔、wai同Dave都係winner！再過埋隔離去Supermarket買少量野食後，就坐車去食海鮮！
著唔慣人字拖的我，著左一日之後，兩隻腳的第二隻腳趾都瘇左！沖完涼好快就瞓著左．．．
第三日早上又係早餐後泳池swimming～因為尋晚有落過雨，海水漲漲地，租左的車又早到，我地都提早離開芭提雅去曼谷～係車上，我就開始教佢地玩大賤人小賤人（呢個Game一直玩到我地成個旅程完結！）．到左酒店又撓讓了一輪～上房放行李～再行去坐BTS到Siam．先食野後Shopping，大家又係boots留連，結果又買到．．．最搞笑係大家不停鼓吹大家買野，Connie就係呢個情況下買左對真係好靚，HK又無的Adidas respect me系列波鞋一對～之後去Central World我都買到“女仕的恩物”啦！不過今次就見唔到邊度有Central呢間百貨，因為我上年打波時到泰國去過一間叫Central的百貨，入面真係好多牌子都有特價的專位，真係好平ga～行街行到過晒時，到左十點先搵野食，但好多鋪都關門了～結果我地只可以食pizza hut～是夜同Yoyo買左一盒榴槤返酒店品嚐，今次行程只有我同Yoyo食榴槤，我地瞓同一間房，真係臭味相投～haha～～佢地個個間房都有一陣霉味要點香薰，我地間房用天然的榴槤味蓋過晒～
早上安仔入來我地房聞到陣陣榴槤味，差點暈～哈哈～第四日去左Siam食Burger King同HK的有點點唔同，唔要薯條，佢地有圓形細細件的Hash Brown比你揀，好正哦～又坐BTS去我好期待的Chatucha～哈哈～果然買左好多野，大家本來分頭行，結果又匯合返，最後仲大家都睇中了一間店的頸鍊，頸鍊係香港TST的Gi都見到有得賣，係金屬製的頸鍊，賣二百幾三百蚊一條，但因為我地個個都買，就連本來係鋪外面呆等的Dave，入來本來係救火，最後都入埋火場比火燒，haha～我地一共買左成十幾條，女仔發揮講價本色，個老板計我地好平呀！為起五十左右一條～十個抵！到Connie買民族袋，Dave又發生左閃燃，又買呀買！哈哈～～
天又開始落雨了～黑得好緊要～去到國貿站本來佢地好想去睇波鞋，因為落雨得三個男仔去，我地改左去行MBK，行MBK前先入左一個百貨，我忍唔住買左兩對Cons～佢地都買到野，之後先過去MBK買泰國食物手信～一人最少一大袋～人人都攞住好重咁去返Siam搵一間泰菜，比一個樣貌極似＜少林足球＞入面個個汔車維修員的泰國人亂點，最後都係安仔用佢有限的英文同極有限的泰文問路之下中左～終於都搵到間餐廳！！好好味呀！我亦都如願食到甜品----芒果糯米飯！
最後一日lu～再到MBK，呀～～一間小型專賣運動鞋店賣的Cons好平呀！我尋日買貴左．．．好在我係係百貨公司買有得退稅啫．．．仲有買到我想買的Tee，真係好過癮～最後我地女仔們又過返去間百貨見到“女仕的恩物”平，又買過，買到大家都碌咭！真係買到夠晒皮～～
極速返酒店攞行李，又好好彩酒店又有得租架大Vans，可以放晒我地多行李之餘仲有好多位坐～
呢個畢業旅行真係難忘啦！由當初灰到以去唔成，都最後去得成～好以坐過山車咁～
P.S.>>>>
最衰Jason要返工請唔到假～不過有好多手信都係有你份的，之前以為去唔成時，都為我地的行程擔心唔少，所以就算你無去都有好多收獲～haha
仲要多謝我今次行程的兩位贊助人～
文章定位：
