3/8/2003
我返o黎香港喇！唔知有冇人掛住我呢？
希望係『我』，而唔係d『手信』^^
雖然，今年只不過近近地去台灣，
但玩得非常開心，一個美妙既旅程….
非常relax，自己仲拎住地圖周圍去….
去左其他團友冇去既地方、冇食既野…
講開團友，我覺得今年d人真係好鬼cheap！
仲要一家大細去埋都係咁….
一個超平團費可以搭港龍、
三晚住五、六星酒店都可以為少少野而嘈….
第一日見佢地，d醜態已經出晒，
例如：一見旅遊巴就衝上去…..
最核突係佢地班人又食又拎，
叫你買野既時候個個都一支箭咁走晒…
真係好核突！有乜可能快成咁？！
我只不過起身慢左，班人就走晒，
本來我都幾想留係到睇下有冇野買，
個個都走晒，成班sales個個就去sale我？
上年根本冇呢個情況，我等人就差唔多！
去得旅行就唔好cheap成咁啦！
仲係一家大細，o個個細都係十五六歲個種…
我就好似係全團人買得最多既一個…
真係好攪笑^^
手信方面，梗係預左比大家啦！
不過，搵得都幾辛苦….
阿mo要有關『幾米』既野…
係o個邊唔算太多，而且價錢都幾貴下….
不過係比可愛既mo mo既話，冇所謂啦！
因為我覺得物有所值（我自己都有~ 嘻）
幾米幾新書係o個邊平之餘，
新書仲有八折添….yeah！
好開心~
另外，都係買左好多食既野….
冇乜特別，都係咁o架啦！
唔…走既時候都好唔捨得，
除左不斷試o個邊既食物，
攪到肚仔痛又要食之外….
好唔捨得勁正酒店，大冷氣同大床~
真係好好訓~ 嘻嘻~
唉….返到o黎….
又回復返正常！
好唔想去教書法呀….
呢個旅程真係令人懷念….
文章定位：
