4月15日
完了,但覺得無謂
昨晚同小玲傾左好耐計,分享左好多開心事,仲知道小玲原來真係膽粗粗的,hehe,你好勁呀!!!!
今日同昨日一樣飛車去左百士達買包食,去到理工學院又係坐係度溫習同聽阿sir講案例,勁眼訓....但都堅持溫習,中午同肥ii係一飯食,食完返宿舍都溫左一陣,但真係好悶同攰,所以都溫唔入腦,下就去到又係同朝早做的野一樣,三點同阿sir影左一張相,三點半就考試,四點半就考完lu,但覺得考試都幾無謂,無咩意義~~之後同飛機去左興安買野,同買增值咭,再車佢去小西攞影印,之後先叫埋老世去左好耐無去的三飯食排飯,返到宿舍無耐又要出去學活四樓報到啦.....等到七點四就開始左今晚的新社團策劃大賽總決賽,我地係第四組出去答辯的,但今晚其他都唔係好好,發揮唔到我地個會想做的野,今晚因為有故障,所以未知結果,但走時聽人講係阿乙的摺紙學會win第一,思考與演講是第二,第三就唔知啦,輸左個模型會真係有d唔甘心,難到到我畢業時暨大都無模型學會.....走時個個都無咩心機,我送哂佢地之後就去左建陽籃球場搵阿基佢地攞ball衫啦,睇左一陣佢地打ball我都走啦,好攰啦今日....返到來又同曱甴傾左一陣,講下今晚乾輸左的野,之後沖良再煮左個面食,又飲左老世媽媽煲的湯同睇左兩集牙狼,good~~
今晚jnuf的群組都好多野講,好多提醒~~各位兄姊一齊改改我地吹水的壞習慣啦!!!!
4月16日
澳聯盃籃球比賽第一擊
昨晚起左三次身...因為我肚痾....唉,搞到訓得唔好....九點半先起身,上十點化學計量,上完就同左阿盛,老世,風濕去左海渥食飯,今日係我第一次來的,食左三碟壽司同一個豬排飯,飽到上心口呀,返到宿舍煲牙狼,勁好睇,又有型,睇到四點就準備定今日賽ball的野,之後練左一陣結他,發覺我好似唔係好彈得,鈎唔到,又禁唔到....都唔知星期五,六點出醜啦....四點半去左附中籃球場,射下ball仔,今日係我地浸信對培華,我地輸左十分呢,真係可惜,之後同阿基一齊去左成教上堂,今日又係我一個人上公選啦,飛機又走堂,一個人聽都幾悶下,又未食飯喎,餓到死,諗住叫雞仔一齊落堂去食的,但估唔到佢走一堂去食飯,所以放學一個人去左天天牛肉店打包,感恩見到好多朋友,讓我唔使自己一個食咁悶,之後同子昌去左一飯結他班,彈到十點九就返宿舍啦,都已經好攰啦,沖完良又組左一隊保齡球,hehe,今個星期日比賽啦,等左好耐啦！！！！
今日一早收到社聯的通知，我地童心社第五名，排係中間位，雖然輸贏無咩緊要，但今次唔多唔小都有小小唔憤氣，真係唔多想暨大比唔到人玩模型的會，有ｄ失望添.....
4月17日
朱仔會生日聚餐++風車男碌ling
昨晚阿胡無啦啦入左醫院,而且我地連咩情況都唔知,今朝先知佢細菌感染,所以吊左四個鐘頭針,真係慘,希望我地的胡胡無事快d好返啦~~
今朝早八點人有三急,之後訓唔返....碌到九點一就起身煮左個通粉食,食完返學,今日出動左野豬一號,見到羊咩咩,佢叫我車埋佢,但發覺佢好重,我車得佢好辛苦....腳都軟呀,之後我仲要行八層樓梯,攰到我傻呀~~今日上堂都唔係好留心,因為send左好多msg比人,問左重修大叔我地隊保齡球改咩名,佢比左三個名我:1)泥菩薩過河隊 2)向前隊 3)朝投組,講真我開頭唔明箇中意思,但我同肥ii見到都係咁笑,到左落堂時去報名,見到阿政望住我地隊名(朝投組)就笑笑口,報完名見到阿kit又問佢向前隊的意思,呢個時候就開始知道d名唔係好野啦,之後我就去左象牙塔同朱仔會同仁食飯啦,好開心呢,因為大家係幫我慶祝生日呢,仲有送左好多生日禮物比我呢,雖然唔算好多野傾,但都感受到大家的心意,多謝大家!!!!之後攞返架野豬一號就去左附中籃球場睇下阿基佢地打成點,點知無人打,我都忍唔住要落場玩玩啦,好耐無打過ball,但感覺我原來仲鐘意籃球~~之後返宿舍又睇牙狼,睇左幾集,五點幾時個天無啦啦黑哂,仲黑得好得人驚,下面街d人仲係咁叫同走,好似走難咁....今晚六點半約左風車男一齊出去食飯+碌ling的,但見大風大雨都唔知點算,咁大家唯有祈禱啦,最後我地都可以出去國防大廈食飯,感恩~~今晚得進傑,leo,大joe同我食飯,之後碌ling時就叫埋unknown同阿健,今晚毎人碌兩局,今晚我狀態都唔錯,第一局109分,第二局101分,唔算高分,但都過百,好好~~今晩仲影左好多相添,hehe~~之後去左下面打一陣機,玩賽車好好玩呀,我都估唔到我手車都幾好,hehe~~之後返來學校lu,今日真係比我好好輕鬆下,好享受呢~~
文章定位：
