大細路+++Dave 我最真的一面就在新聞台>0<

109愛的鼓勵 1訂閱站台

其實想寫一篇講自己砌模型的文章好耐啦,今日終於肯寫啦,haha~~

去年十二月四號,第一次係廣州參加了亞洲盃中國區選拔賽,我就用左一部基本上都砌好的突擊高達出賽,當然交件之前要執返好多野啦,要加快速度砌埋個噴射器同將所有部件上色,第一次上陰影,用的應該係MAX塗裝法(之後先諗起),仲要去左興安買左個七巧板,不過只要個木台,d板就唔要,係上面倒入石膏,再放部高達上去,再係石膏上面痴上草粉,不過整體都有好多不足的地方,唔顯眼的地方就遮遮下,博人睇唔到,hee~~最後當然係輸左啦,雖然見到好多作品,不過總覺得水準不高,無咩特別突出的作品,真係要數最突出的,我諗得赤鬼呢個作品啦,不過呢部野都有好多不足之處,個人唔太鐘意>_<"

入正題啦,如果有人問我幾時開始砌模型,我諗我都唔知道呀,大約那時都係三,四歲掛,我都唔係好記得啦,因為真係太細個啦,仲記得我細個的兩盒模型,我都分唔清邊個先係我第一盒啦,一盒係又紅又白的,又可以變成人馬形態的武者,另一個就係藍色的,好似係全藍色的印象中係z高達的bb戰士,不過都已經無從考證啦
,年代久遠,我找了好久都找不到lu~~

其實之後都無砌模型,不過仲係細路的我當然係好迷戀卡通世界啦,那時咩卡通都睇,成個專家咁(而家都係),仍然係咁鐘意高達,到我好似三年班的時候,阿ma係致富買左盒三大特典比我,係一盒有三個,全透明的三個bb戰士(而家仲係度),仲記得好多地方我以為係荀位剪左去,三盒都係咁,細個就係咁浪費左d模型啦...

一等就等到五年班啦,那時就開始左我的模型生涯啦,成日都有機會比人買模型比我,買左好多好多bb戰士,成日返屋企砌,不過呢段時間都係手執鉸剪幾分鐘極速砌好的年代(因為唔識砌呀ma...),以前間房係訓上下隔床,下面就係我訓的地方,上面係我放模型的地方,收藏量驚人,最印象深刻的係由模型盒砌成的金字塔,可
其壯觀,由五年班到初三呢幾年,上隔床的模型估計多達五,六十盒,全部都係bb戰士,勁呀!!!!

再講下我幾時開始學砌模型啦,我記得係初一時開始的,自己個個星期都會買coco睇,主要原因都係因為有個模型教室呢個專欄,個主持人係叫hobby co,佢期期都會教人砌模型,我就睇到好興奮,買親coco返來一定第一時間睇呢個專欄,初一的時候就開始學佢買d工具返來,買左d油,刀同沙紙呢d小小的基本工具,係1998年
12月31日的最後幾秒鐘比我完成左盒BB戰士no,200的RX-78-2,不過砌得好唔店,但自己就好鐘意啦,係第二年的1999年12月31日的最後幾秒鐘又比我完成左盒BB戰士new高達,已經覺得有進步啦,那時真係好開心呢~