A Sue News 痛苦的回憶， 最終會成為力量． 曾經付出沉重的代價， 曾經有眼無珠， 每當想起當天所受的屈辱， 人會變得堅強， 愛得更精明，也更自愛～～

16愛的鼓勵 0訂閱站台

又係星期六呀！！！

剛新婚的Kitty，約了我同Jill星期六去睇結婚果日既相兼順道去唱lunch K！但因Kitty要2:30pm先到，於是我同Jill就去開定房等佢！話說我地去到Conter，循例登記幾多位，跟住個位姐姐就會講幾錢一位 & 唱到幾多點...OK！攪掂～入房lu～時間為1:05pm！

各位去過唱K，都知指定動作梗係點歌同叫野食架啦，而係呢個時候阿Jill就去左參觀個toilet...而我就負責叫野食～


(K-代表GREEN BOX既服務員 L:me J:jill姐)

K:喂！服務台！
L:唔該我想要1號同埋2號餐，兩個都係跟薯菜既！
K:小姐，午餐要另外收費，$45一個，有無問題？
L:(Ｏ哂咀)...下...LUNCH K...要另外收費？
K:依家係HAPPY HOURS 時段，人頭費$49一位，如果叫lunch要另外計！
L:下...咁一陣先啦！

呢個時候有個女仔入黎話我知無2號餐，我就乘機問佢嘞:
L:我想問下LUNCH K 係去到幾點架?
K:4點!
L:咁幾點開始呀?
K:朝早一開門10:30am就開始!
L:咁，點解我1:00pm入黎，會無LUNCH K既？
K:下...可能FULL左啩...我都唔係好知呀，公司D野成日轉既...

阿Jill返到黎我話比佢知，but因為大家都肚餓...都無辦法啦！OK...照叫囉～

越諗越唔對路，有咩理由無LUNCH K先得架...正當我地係度諗住揾佢地問個究竟既時候，有個男服務員攞住張單入黎收錢，但張單係only收2個午餐既費用...我地2個立時無名火起：

L:下...岩岩先嗌(LUNCH)，野都無黎，咁快收錢？
J(攞住張單，企起身)：我想問下，點解無LUNCH K呀？
K:今日FULL左！
J:下～咩叫FULL左呀！1點入黎都唔係LUNCH K，咁點先叫LUNCH K呀？
K:咁頭先係出面我個同事都有同你地講左架啦！
J:你個同事就係無講囉(音調提高)！
K:得,我幫你跟！
J:哼～真係當我流架！

同個男仔講完，真係仲火，今時今日咁既服務態度真係唔得...雖則係呢d地方做野既人一般都唔係善男信女，但係我諗未至於要呃人囉！如果我地唔出數，咁咪比佢無端端計左差唔多雙倍既費用！

過左一陣，個男仔返入黎話幫我地轉番LUNCH K，咁我地都算數，無再追問點解頭先要計我地HAPPY HOURS既錢！最後我地谷住一肚氣唱到3點走！由於D LUNCH實在太難食，我地之後再去左茶仙坊度飲野！

唉～大家下次去唱K 請小心，入去前問清楚，唔係比D 奸商呃左都唔知咩事呀！