今期個TITLE 係咪好有氣勢呢??呵呵呵~~~(版主沾沾自喜中//)果然係深受古惑仔文化影響的e 世代...唉~
講番正題，近排我們親愛的母校似乎唔多「老o黎」，繼前前排廣州母校注冊權被一間叫培正商學院的cheap野意圖霸佔後，前排在小學部又彈出一個偷窺+露體的變態人魔...學Sammi 姐話齋：真係好邪呀～～～
睇黎Our Dearest臘腸校長應該學下人家香港英皇楊老闆咁，搵人绩绩培正的風水，以後規定全校一齊著黃色/藍色衫，擋擋ｄ邪野嘛～～係咪先？！
最近去母校的網頁逛了一逛，竟又發現到ｄ新野...原來新一波的招聘行動又黎啦~~~
1.本校誠聘中學英文科及中學數學科全職教師各一名，應徵者須該科系畢業，能用粵語教學，有教學經驗或有較高學歷者優先。
站長: 數學就話多"爺爺級"的老師等住退休je......但英文「高竇派」和「大陸幫」兩派都唔似有邊個會退休咁喎...值得去調查一下!
2.另聘請圖書館管理員一名，應徵者須該科系畢業。
站長: 那位四眼惡樣姐姐(據說其實幾好人的) 做左一年就唔做啦?! 唔通培正個圖書館真係咁難管ge?!
正所謂「一日不見，如隔三秋；士別三日，刮目相看！」 (將詩經和唐詩咁都撈得埋, 站長果然係中國文學集大成者!) 母校一次過換咁多人，真係驚出年番去...會搵唔到熟悉的臉孔///
加上最近(據站長駐澳門培正小弟報導) 正門小食部門口至書局間又加左度閘喎...唔話比「外人」入添bor...那我們這些「老西餅」校友第時未冇門口入!?
(母校自此變得更加遙遠神聖~~彷如騰雲駕霧中。硬是覺得在外面等接放學的家長有點像去「朝聖」．．．）
還是校歌有先見之明．．．．．．
「培正培正何光榮～教育生涯慘淡營」
***********************************
猛人語錄之母親節加長版
1.F4成員言承旭終於在昨日舉行蓋印會，一萬二千人為見偶像一面，一早在烈日當空下排隊，將會場重重包圍。對於影迷的熱情，言承旭坦言有點意想不到，他說：「我知道有人十幾日前開始排隊，加上早上在機場有人跌倒受傷，我都好擔心。見到咁多人排隊真有點嚇親，呢幾日又落雨，又出太陽，真係對唔住，如果可以的話我都想同佢地一齊等。」
＊站長: 你每人錫番啖補數就得啦......
2.賭王何鴻燊透露早已認識李國寶的紅顏知己梁樂華，他說：「我識好耐，我好清楚，香港有幾大丫。（佢地係咪好親密？）梗係親密！唔親密佢點叫做Baby喎！真犀利！我太太都冇叫我做Baby，我太太叫我做Honey咋！」
3.被問受有否想過找安仔與鄭秀文情侶檔演出，劉德華笑說：「我一直都有搵Sammi拍戲，但唔係呢部，呢部係勵志片，唔係愛情片。」
＊站長：好衰ga...做咩踢爆人地je~~~
4.前晚何韻詩度與緋聞男友劉浩龍、陳奕迅、徐濠縈及梁漢文等十多人共度生日，被問為何不與好友劉浩龍撐台腳，阿詩即笑說：「係撐呀！我地真係十幾人撐住個台腳架！」
5.對於Sammi同性戀傳聞，梅豔芳說：「我覺得好無聊，同男仔去街就傳緋聞，同女仔出街就話同性戀，係咪想逼到我地同d 雙性人去街先滿意？」
＊站長: 梅姐唔使咁激bor......唔通佢識好多雙性人?!
6.呂良偉太太楊小娟今年榮升媽咪,原來自她知道自己懷孕起，每月都會寫一篇月記，寫下一些她與兒子的點點滴滴，她覺得兒子第一次踢她那天最值得紀念的，她在月記這樣寫：「這是有關你在我生命中最重要的日子，因為這一天，孩子，你用全天下曾在母親體內呆過的孩子一樣的方式，跟你的母親打了一個招呼，就像我一直暗戀的人突然有一天明白了我的愛戀，那種感覺像是可以輸掉整個生命。」
7.應屆奧斯卡影后荷爾芭莉向記者說：「媽咪成日同我講：『你天生黑膚色，人地就係咁樣睇你！』但佢亦成日鼓勵我：『你好好！好聰明！有能力做任何想做既野！』佢係我既英雄！」
***********************************
文章定位：
