我的感覺 有時我好羨慕你,因為你有我呢個朋友囉...

102愛的鼓勵 0訂閱站台

好多愛情故事,都係由朋友間的關係開始,原因何在,大底要人性的表現,當你覺得個樣野好的時候,你就好想擁有佢因為人根本就係自私....
以下故事的主角.佢冇英俊的面孔,長進的思想,佢只不過係世界上其中一個,一個再不能普通的人..佢可能就係大家的縮影.....
可樂係一個好普通的中學生,係佢唔知幾時開始認識左檸檬,不過檸檬同佢一直都係朋友關係,不過可樂慢慢發覺自己好似鍾意左檸檬,好多時如果可樂發生左咩事,第一時間就想同檸檬分享,幸好,世上有一重大發明,手機msg,佢地就係咁keep住呢段朋友間係,<愛很簡單>,可樂為左爭取同檸檬多d時間相處,成日用d好cheap的藉口打俾檸檬,話悶,無聊之類個D野,找佢陪陪咁,檸檬又係D好好朋友的人,有時又陪下可樂出街,可樂個時真係好樂在其中,如果你係可樂,你會唔會同檸檬表白~?<開不了口>不過情況就往往出左意外.....當然會有好,有唔好...
1.可樂問檸檬拍拖為左咩,檸檬答佢,開心囉,咁可樂好大膽咁問,你同我一齊開唔開心...檸檬答佢,開心都仆街喇,咁可樂最後講左句,咁你同我一齊又開心,你拍拖又係為左開心,咁你明我意思,檸檬冇出聲,係書包拿左1枝檬樂,你一口,我一口....<簡單愛>
2.可樂問檸檬拍拖為左咩,檸檬答佢,開心囉,咁可樂好大膽咁問,你同我一齊開唔開心...檸檬答佢,開心都仆街喇,咁可樂最後講左句,咁你同我一齊又開心,你拍拖又係為左開心,咁你明我意思,檸檬話,呢D開心,係朋友仔的開心,都唔係個種FEEL,我想有心跳的感覺,可樂又冇出聲,係呢個MOMENT真係唔知點,之後檸檬講,我地大家重會係朋友,你有咩重可以找我嘛,可樂點頭示好,心裡不曷味兒,心諗,你好野,今日你請我食你,(即係食檸檬呀,咩你咁都唔明)他朝一日你實會後悔....<普通朋友>
3.可樂重係唔知自己想點,又唔敢表白,怕因為失敗左冇左呢個朋友,怕期望變成失望,不過又好想知道個答案,<如果你知我苦衷>當佢咁諗的時候,拖拖拉拉,係檸檬身邊已經出現左7喜,7喜個人條件真係好可樂好多陪,可樂都冇諗過再去表白喇呢一刻,只係等待睇下7喜同檸檬的結果,<想愛你>可樂表面扮冇野,重係咁鼓勵檸檬去喇,個7喜咁好,親你...偉大的愛情係需要犧牲,今次犧牲左係可樂,佢地都係係嘛左一齊,可樂都冇咩好講,條件唔夠人好<安靜>自此,可樂再冇咩找檸檬,佢怕以前開心的片段會出返曬黎,佢嘗試努力去忘記,不過還是有一點兒記憶<怪你過份美麗>宜家的可樂,希望可以投入自己生活<今天應該更高興>

故事的情節係咪好熟,是否你都發生過呢~?或許你會覺得我好無聊,不過我都係要寫,呢D就係我朋友仔身邊發生的好多故事.......
希望大家為左我,D/L上面的歌,首首歌都好好聽...<一首歌一個故事>